1 Corintios 6:9 - Qullan Arunaka DC

^9-10 ¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

Aymar Bibliia 1986

^9-10 ¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

Qullan Arunaca

^9-10 ¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

1 Corintios 6:9 Jak'a apnaqawi uñst'ayäwi

Génesis 19:5

ukatsti Lot chacharuw arnaqapxäna: —¿Kawkinkapxis jichhärma utamar purinipki uka jaqinakaxa? ¡Irpsunim! ¡Jupanakampiw ikintañ munapxta! —sasa.

Éxodo 23:1

“Janiw k'ari arunak parlätati, janirak k'ari arunak parlir jaqirus arxatasin yanapt'amti.

Proverbios 11:1

Tatiturux wayuqat balanzanakax axtasiyiwa, phuqhat tupunakasti kusisiyiwa.

Proverbios 22:8

Jan walinak yapuchir jaqix, jan walinak apthapirakini; ¡Tatituw jupar tukjani q'apisiñ jach'a kankañapampi!

Proverbios 7:27

Uka warmin utapar sarañ thakhisti, jiwañar sarañ thakhiwa.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Ezequiel 18:11

kuntix awkipax jan lurkän ukanaksa lurani, qullu patanakan diosanakar yupaychañataki manq'äwinakarus sarani, ukatsti jaqi masipatsa warmip irparani,

Levítico 18:20

“Jaqi masiman warmiparusti janipuniw warmisïtati, ukham lurät ukkhasti, q'añuchjasïtawa.

Levítico 18:22

“Jan mä chachampix warmimpjam ikintamti. Ukham chachapur ikintañax sinti jan wali q'añu luräwipuniwa.

Levítico 19:15

“Kunapachatix mä jan walt'añ taripañas wakisini ukkhasti, kunatix chiqäki ukhamarjamapun luram; janirak pisi ch'amanirukisa, jan ukax qamirirukisa arxatamti. Juchañchañ wakisipanxa, kunatix chiqapäki ukhamarupun uñjam.

Levítico 20:13

“Mä chachatix yaqha chachar warmischi ukasti, panpachan jiwayatäñapawa, jupanakpacharakiw jiwatapat juchanïsipkani ukham lurapxatap layku.

Zacarías 5:3

Ukat sarakitu: “Ukan taqi aka uraqpacharu purinkani uka ñanqhachäwinakaw qillqata. Purapäxan qillqatäki ukarjamaxa, khiti lunthatanakasa, k'ari juramento luririsa taqiniw mutuyatäpxani.

Mateo 19:29

Ukatsti taqi khitinakatix naya layku jaytanukuni: utanakapa, jilanakapa, kullakanakapa, taykapa, awkipa, wawapa, uraqinakapa; jupanakax ukanakat sipan patak ukkhampi katuqapxani, ukatsti wiñay jakañ katuqapxarakini.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Hechos 20:32

“Jichhasti jilatanaka, Diosaruw mayta munasiñapampi jumanakar imañapataki. Munasiñ arunakapaw jumanakar sapürunjam suma askïñ yanapt'apxarakiristam. Jaysapxätaxa, Diosax arsutanakap phuqhaniwa, markapankirïñatak ajlliski taqi jupanakaru.

Hechos 24:25

Pablox chiqa askin sarnaqañat parläna, jiwaspach amuyasis sarnaqañata, taripañ uru utjkani ukat parlarakïna, ukapachasti, Félix jilïrix wal mulljasïna, ukat sarakïna: —Jichhax sarxakim; wakisin ukkhaw wasitat jawsayarakïma —sasa.

Romanos 1:18

Ukampis Diosax alaxpachatpach q'apisiñap uñacht'ayi, jan wali jaqinakaru, jan chiqapar uñjatapampi chiqa kankañ jark'antirinakaru.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 15:50

Jilatanaka, sañ munapxaraksma, akapach janchix janiw Diosan markapar mantkaspati, tukusirïki ukasti janirakiw wiñay markankkaspati.

1 Corintios 3:16

¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti?

1 Corintios 5:1

Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

1 Corintios 5:10

Ukampix janiw sapkäyäsmati akapachan wachuq jucha luririnakata, mich'anakata, lunthatanakata, yaqha diosar yupaychirinakat jan mayampitak jithiqtapxam sasaxa, ukhamäspa ukkhax, jumanakan aka uraqit mistxapxañamaw wakisispa.

1 Corintios 5:11

Jan ukasti, sapxäyäsmawa: Cristor iyawsirïkasin wachuq juchan sarnaqaski, mich'asiski, yaqha diosar yupaychaski, ñanqhachaski, machaski, lunthatasiski ukanakampix jan chikachasipxamti, sasa. Ukham jaqinakampix janipun manq'apxamsa.

1 Corintios 6:18

Ukhamasti, wachuq jucha lurañat jithiqtapxam. Kuna yaqha juchsay mä jaqix luraskpan, janiw janchiparux ñanqhachkiti; ukampis wachuq jucha lurañar katuyasirixa, pachpa janchipatakiw juchachasi.

1 Corintios 6:19

¿Janit yatipktasti jumanakan janchimax Diosan churata uka Qullan Ajayun utapätapsti, Qullan Ajayus jumanakan jakatapsa? Jumanakax janiw jumanakpachat munañanïpktati,

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

2 Corintios 12:21

Axsararaktwa, inas jutirin wasitat tumpapkäma ukapachaxa, Diosax jumanakat mä p'inqa uñjasiychitani, ukat inas jumanakat waljani nayratpach juch lurasipkatamat jachañaxächini, q'añu jakañanaksa, wachuq juchan sarnaqañanaksa, jan wali lurañanaksa janirak apanukupktati uka layku.

Gálatas 6:7

Jan sallqjasipxamti; janiw khitis Diosat sawkaskaspati. Kuntix jaqix yapuchki ukarak apthapini.

Deuteronomio 22:22

“Mä chacharutix chachan warmimpi ikintatäskir katjatänixa, panpachaniw juchañchasin jiwayatäpxani. Ukhamat jumanakax Israel markan jan wali lurañanak tukjapxäta.

Deuteronomio 22:5

“Mä warmisti janiw chacha isimpi uchasiñapäkiti, mä chachas janirakiw warmi isimpi uchasiñapäkiti, ukanak lurañasti Tatitutakix axtaskañawa.

Deuteronomio 23:17

17 (18) “Janiw khiti israelit chachasa, warmisa q'añu lurañanakan sarnaqañapäkiti, yaqha markanakax diosanakapar yupaychañatak lurapki ukhama.

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Hebreos 12:16

Jumanakat jan khitis wachuq juchan sarnaqkpati, kunatix qullanäki ukarux janirak jisk'achpati; Esaú chachasti ukham luräna, mä juk'a manq'a laykukiw jilïr kankañap aljasïna.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Santiago 1:16

Munat jilatanakaxa, jan pantjasipxamti.

1 Juan 3:7

Munat wawanakaxa, janiy khitis jumanakar k'arintpati: khititix chiqapar uñjki ukax askiwa, kamisatix jupax askïki ukhama,

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.