1 Corintios 6:8 - Qullan Arunaka DC

⁸ ¡Ukatsipana jumanakax janiw chiqapar lurapkaraktati, pachpa jilanakamat lunthatasipkaktawa!

Aymar Bibliia 1986

⁸ Ucampis jumanacajj jan walinacaracwa lurasipcaractajja lunthatasipcaractawa pachpa jilanacamatsa.

Qullan Arunaca

⁸ Ucampis jumanacajj jan walinacaracwa lurasipcaractajja lunthatasipcaractawa pachpa jilanacamatsa.

1 Corintios 6:8 Jak'a apnaqawi uñst'ayäwi

Levítico 19:13

“Jan jaqi masimarux ch'amampiki saykatamti, kunatix jupankki uksa janirak aparamti. “Irnaqirin irnaqatapat qawqhatix churañäki uk janirak qhipürkam apxäsimti.

Miqueas 2:2

Uraqinak munasax katuntasipxiwa; utanak munasas lunthatapxiwa. Utanirusa, utapankirinakarus wal t'aqhisiyasaw k'arimpi alisnukupxi.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Mateo 20:13

Ukampis yapunix jupanakat maynïrirux sänwa: ‘Jilata, janiw kuna ñanqhsa lurksmati. ¿Janit jumampix qawqha qullqtix mä uru irnaqäwit katuqkäta uk parlktanxa?

Marcos 10:19

Kamachi arunak yattawa: ‘Janiw jiwayätati, janiw wachuq jucha lurätati, janiw lunthatasïtati, janiw khitirus k'arintätati, janirakiw k'arimpi kunsa apaqätati; awkimar taykamar jach'añcham’ —sasa.

Colosenses 3:25

Ukampis khititix jan wal lurki ukax, jan wali luratapat kunatix katuqañapäki uk katuqani, Diosan taqinirus jan yaqhachas taripatap layku.

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.