1 Corintios 6:13 - Qullan Arunaka DC

¹³ Sapxarakiwa: “Manq'ax purakatakiwa, purakasti manq'atakirakiwa” sasa. Ukax chiqakïskiwa, ukampis Diosaw paypach tukjani. Ukatsipana, janchix janiw wachuq jucha lurañatakïkiti, jan ukasti, Tatitutakiwa, Tatitusti janchitakirakiwa.

Aymar Bibliia 1986

¹³ Chekapunïsquiwa cuntï sapqui: “Mank'ajj puracataquiwa, puracasti mank'ataquiraqui” sasajja; ucampis Diosajj paypachwa tucjani. Janiw janchejj wachoka juchataquïquiti, jan ucasti Tatitutaquiwa, Tatitusti janchitaquiraqui.

Qullan Arunaca

¹³ Chekapunïsquiwa cuntï sapqui: “Mank'ajj puracataquiwa, puracasti mank'ataquiraqui” sasajja; ucampis Diosajj paypachwa tucjani. Janiw janchejj wachoka juchataquïquiti, jan ucasti Tatitutaquiwa, Tatitusti janchitaquiraqui.

1 Corintios 6:13 Jak'a apnaqawi uñst'ayäwi

Mateo 15:17

Taqi kuntix manq'ktan, umktan ukax purakaruw manti, purakatsti mistxarakiwa.

Mateo 15:20

Taqi ukanakaw jaqirux q'añuchi; ukampis jan jariqasis manq'añäki ukax janiw q'añuchkiti.

Marcos 7:19

Kuntix manq'antki ukax janiw chuymapar mantkiti, jan ukasti purakaparuw manti, ukatsti mistxarakiwa —sasa. Ukham sasin Jesusax taqi manq'an q'umätap yatiyäna.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 6:49

Nayra awkinakamax wasaran maná t'ant'a manq'apxäna, ukampis jupanakax jiwarasipkakïnwa;

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Romanos 6:12

Ukhamasti juchax janiy jumanakan jiwir janchimar apnaqkpanti, janchin munañanakapar jaysasa.

Romanos 7:4

Munat jilatanaka, ukhamarakiw jumanakax Cristonkxasax jupamp chikaw kamachitakix jiwatäxapxta, khititix jiwatanak taypit jakatatawayki jupampi mayakïxañataki. Ukhamat jiwasanakax suma luräwinak Diosatak lursna.

1 Corintios 3:16

¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti?

1 Corintios 6:15

¿Janit yatipkta, janchinakamax Cristonkatapsti? ¿Criston janchipat apaqasin wachuq juchan sarnaqir warmirux churarakiristti? ¡Janiw ukhamäkaspati!

1 Corintios 6:19

¿Janit yatipktasti jumanakan janchimax Diosan churata uka Qullan Ajayun utapätapsti, Qullan Ajayus jumanakan jakatapsa? Jumanakax janiw jumanakpachat munañanïpktati,

2 Corintios 11:2

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

2 Corintios 5:15

Cristox taqinitakiw jiwawayi, khitinakatix jakasipki ukanakax jan jupanakpachatak jakañapataki, jan ukasti Cristotak jakapxañapataki, jupaw jupanak layku jiwasin jaktawayi.

Gálatas 5:24

Tatit Jesucristonkirinakax, janchin munañanakapar wayusir chuymap ch'akkatxapxiwa, ñanqha amtañanakampiru, munañanakapampiru.

Efesios 5:23

Chachax warmin p'iqipawa, kunjämatix Cristox iglesian p'iqipäki ukhama, iglesiasti jupan janchipawa; Cristosti jupan Qhispiyiriparakiwa.