1 Corintios 4:17 - Qullan Arunaka DC

¹⁷ Ukat Timoteorux khithanipxsma. Jupax Tatitunkir munat aski wawaxawa. Jupaw Cristo Jesusampi sarnaqäwixat amtayapxätam, kunjämtix taqi chiqansa iglesianakan yatichkta ukarjama.

Aymar Bibliia 1986

¹⁷ Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

Qullan Arunaca

¹⁷ Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

1 Corintios 4:17 Jak'a apnaqawi uñst'ayäwi

Proverbios 13:17

Jan wali yatiyirix jan walt'añanakaruw puriyi; chiqa yatiyiristi sumaruw puriyaraki.

Números 12:7

ukampis Moisés luqtirixampix janiw ukham lurkti. Jupax taqpach luqtirinakaxat sipan aski jaqipuniwa,

Mateo 24:45

“¿Khitirak aski amuyt'an suma uywatasti? Juparuw uywiripax utapankirinakar wakisitaparjam manq'a churañapatak jayti.

Mateo 25:21

Uka jilïristi juparux sänwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Mateo 25:23

Uywiripasti uk ist'asin sarakïnwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Hechos 16:1

Pablompi Silasampix Derbe, Listra markanakaruw puripxäna. Ukansti mä waynaw jakäna, Timoteo sutini, jupasti Tatitur iyawsirïnwa, jupan taykapax iyawsiri judío warmïnwa, awkipasti griego jaqirakïnwa.

1 Corintios 11:16

Ukampis maynitix aka tuqit ch'axwañ munchixa, yatiñapawa, janiw nanakasa, janirakiw Diosan iglesianakapas yaqha saräwi uñt'apkti.

1 Corintios 11:2

Jilatanaka, nayat amtasipxatamata, yatichäwinakaxar ist'apxatamat walikiw sapxsmawa.

1 Corintios 11:34

Maynitix manq'at awtjatächixa, utapan manq'anpan, ukhamat Diosax ukham tantachasitanakamat jan mutuyapkätamti. Yaqha jiskt'anakamarusti, jumanakan ukar purinkä ukkhaw qhanañchapxäma.

1 Corintios 14:33

Diosax janiw pixtuntir Diosäkiti, jan ukasti, sumankañ utjayir Diosawa. Criston iglesianakapan saräwiparjamasti,

1 Corintios 16:1

Diosan markapankirinakatak qullqi apthapt'añ tuqitxa, kunjämtix Galacia suyunkir iglesianakar yatichankta ukarjam lurapxam.

1 Corintios 16:10

Timoteotix purininixa, janiw kunatsa llakisiyapxätati; jumanak taypin jikxatasisax k'uchikïpan; jupasti nayjamarakiw Tatitun luräwipan irnaqi.

1 Corintios 4:14

Aksti janiw jumanakar p'inqachañatak qillqanipksmati, jan ukasti wawanakaxarjam amuyt'ayañatakiw qillqanipxsma, jumanakarux wal munasipxsma.

1 Corintios 4:15

Jumanakax Cristor iyawsirjamax tunka waranqa yatichirinïsipkamsa, janiw walja awkinïpktati. Nayakiw jumanakan awkimätxa, nayaw jumanakarux Diosan suma yatiyäwi arunakap parlapxsma, uka tuqiw jumanakax Cristo Jesusamp mayakïpxtaxa.

1 Corintios 4:2

Jichhasti walikiwa, khititix lurañ katuqki ukax askïtap uñacht'ayañapa.

1 Corintios 7:17

Kunjämäskpansaya, sapa mayniw Tatitun churäwinakaparjam jakañapa, kunjämtix Diosax jupar jawski ukhamarakïñapawa. Nayax aka yatichäwi taqi iglesianakar churta.

1 Corintios 7:25

Jan jaqichasit warminakatakisti, janiw Tatitun wakiskir arupax utjkituti; ukampis nayan amuyuxat sista, Tatitun khuyapayasiñapan nayax askïkta ukarjama.

2 Corintios 8:18

Titompi chikasti mayni jilataruw khithanipxsma, uka jilatatsti taqi iglesianakan wali sum parlapxi, Diosan suma yatiyäwi arunakap yatiyañan wali sum irnaqatap layku.

Efesios 6:21

Tatitun irnaqäwipan wal yanapasir munat Tíquico jilatasaw nayxat taqi yatiyapxätam, kunjämsa nayax jikxatasta ukanak yatiyapxarakïtam.

Filipenses 2:19

Tatitun munañapatsti, Timoteor jumanakar uñjir jank'ak khithaniñ suyaskta, ukat jumanakan luräwinakam yatisin kusisiñaxataki.

Filipenses 2:22

Ukampis jumanakax Timoteon askin sarnaqatap sum yatipxtaxa, ukatsti wawaxäkaspas ukham Tatitun arunakap parlañ yanapkitu uksa yatipxaraktawa.

Colosenses 1:7

Epafras munat jilatasaw uk yatichapxäyätam, jupasti nanakamp chika irnaqirïnwa, Jesucristor munasitap laykuw jumanakarux Diosan suma yatiyäwi arunakap luqtapxtam.

Colosenses 4:9

Jupamp chikasti, munat Onésimo jilataw jutaraki, jupasti jumanakat maynïriwa. Jupanakaw taqi kunatix akan luraski ukanak yatiyapxätam.

1 Timoteo 1:18

Timoteo, munat wawaxay, nayrax jumat yatiskän uka arunakar jaysasaw aka yatichäwinak chursma, uka yatichäwirjamay iyawsañampi, q'uma chuymampi qullan nuwasïwin sayt'asim. Yaqhipanakax chuymapar jan ist'apxatapatxa, iyawsäwinakapan aynacht'apxi.

2 Timoteo 2:2

Kuntix walja jaqinak nayraqatan arsur ist'kista ukanakxa, phuqhañatak wakicht'atäpki, yatichañatakis wakicht'atäpki ukanakar yaticht'am.

2 Timoteo 3:10

Ukampis jumax yatichäwixar arkapuntawa, ukhamarak sarnaqataxaru, amtäwixaru, iyawsäwixaru, llamp'u chuymanïtaxaru, munasiñaxaru, ch'amampi sayt'asiñaxaru,

Tito 1:5

Kuna jan walt'añanakatix Creta wat'an utjkäna ukanak askichañamatakiw jaytaniwaysma, ukatsti sapa markankir iglesianakan jilïri irpirinak utt'ayañamataki, kunjämtix nayax sisksma ukhamarjama.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.