1 Corintios 3:19 - Qullan Arunaka DC

¹⁹ Akapach yatiñ kankañasti Diosatakix luqhi kankañawa. Qillqatax siwa: “Diosax yatiñaninakarux pachpa sallqa yatiñapampiw katunti” sasa.

Aymar Bibliia 1986

¹⁹ Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

Qullan Arunaca

¹⁹ Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

1 Corintios 3:19 Jak'a apnaqawi uñst'ayäwi

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 16:23

Uka urunakanxa, Ahitófel jaqimpi iwxt'ayasiñax, pachpa Tatitun arsutapäkaspas ukhamänwa. Ahitofelax wali yäqat jaqïnwa, Davidatakisa, Absalonatakis ukhamarakïnwa.

2 Samuel 17:14

Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

Ester (hebreo) 7:10

Ukhamaw Amán chachax jaychkatat uñjasïna, kawkïr jaychkatañtix Mardoqueotak wakichaykäna ukaru. Ukham lurayasaw reyix phiñasiñap apjtayasïna.

Job 5:13

Jupaw ñanqha chuyman jaqirux, pachpa ñanqha amtatanakapar jalantayi, uka ñanqha amtatanakapsa aynacht'ayaraki.

Salmos 141:10

Ñanqha luririnakax pachpa sipitanakapar jalantapxpan, nayasti ukchañkamax nayraqatar sarantaskakïwa.

Éxodo 1:10

ukhamïpansti wakisiw sum amuyt'añasa jupanakan juk'ampi jan mirantañapataki, mä nuwasïwi sartaspa ukkhax uñisirinakasamp mayacht'asisaw jiwasar nuwjawayas markasat sarxapxaspa” sasa.

Éxodo 18:11

Tatitux jumanakar ukataq t'aqhisiñat qhispiyapxtam egipcionakan jach'a jach'a tukuñampi apnaqatäñata. ¡Jichhax yattwa, Israelan Diosapax taqi diosanakat sipansa wali ch'amaniwa! —sasa.

Proverbios 14:8

Yatiñ kankañax yatiñan jaqirux sarnaqañapan amuyt'ayi, jan amuyt'an jaqirusti pachpa jan amuyt'asitapaw sallqji.

Proverbios 21:30

Tatit nayraqatanxa janiw yatiñ kankañax kunäkxiti, janirakiw ch'ikhi kankañasa, suma amuyt'asiñas kunäkxiti.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

1 Corintios 2:6

Iyawsañapan thurt'atäpki ukanak taypinxa, yatiñ kankañ arunakampiw parlapxta. Ukampis janiw akapach yatiñat parlapkti, janirakiw marka apnaqirinakatsa parlapkti, jupanakan munañanïñapax niyaw tukusiski.

1 Corintios 4:6

Jilatanaka, akanaksti jumanakan askimatakiw parlapxsma, Apolosampita naya pachpampit amuyt'ayasa. Nanakat yatiqasis kunatix qillqatäki ukat jumanakan jan saranukuñamatakiw sapxsma, ukhamat maynir munatap laykux jan khitis jach'achasiskañapataki, maynir jan walt'ayasa.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Santiago 3:15

Uka yatiñ kankañax janiw Diosat jutkiti, jan ukasti akapach yatiñ kankañakiwa, jaqin amuyt'apakiwa, pachpa supayat juti.