1 Corintios 3:18 - Qullan Arunaka DC

¹⁸ Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.

Aymar Bibliia 1986

¹⁸ Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

Qullan Arunaca

¹⁸ Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

1 Corintios 3:18 Jak'a apnaqawi uñst'ayäwi

Proverbios 26:12

Yaqhip jaqix wali yatiñanïkaspas ukhamaw tuku, ukampis jan amuyt'asir jaqiw jupat sipan chiqachasispa.

Proverbios 3:5

Tatitur taqi chuymamamp katuyasim; janiy juman ch'ikhi kankañamaruk alkatamti.

Proverbios 3:7

Janiy sinti yatiñanjam tukumti; Tatitur axsartam, taqi ñanqhat jithiqtam,

Proverbios 5:7

Munat wawaxay, ist'itaya, janiy yatichäwinakaxat saraqamti.

Isaías 44:20

Chiqpachansa, qhillsa manq'apkaspa ukhamawa. Uka lurañax k'ari amuyunakampi sallqjayasiñawa. Uka jaqinakasti janiw qhispiyasipkaniti. Kunatix amparanakapan utjki ukax k'arikamakïtapsa janiw amuyapkaniti.

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Jeremías 37:9

Jichhasti naya, Tatituw sapxsma: Jan chuymanakaman kusisipxamti, janirak sapxamsa: “Babilonionakax sarxaniwa” sasa, ukasti janiw ukhamäkaniti.

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Mateo 13:22

Ch'aphi taypir purir jathasti, suma arunak ist'ir jaqinakawa, akapach yänakat llakisitapampi, qamir yänakar munatapampiw atipjayasipxi. Taqi ukanakaw suma arunakar chhaqtayi, janirakiw chuymanakapan jiltaykiti.

Mateo 18:4

Yatipxam, Diosan qhapaq markapanxa wali aytat jaqix, khititix akapachan aka wawjam llamp'u chuymanïki ukawa.

Marcos 10:15

Qhanak sapxsma, khititix Diosan qhapaq markap mä wawar uñtat jan katuqkan ukaxa, janiw kunapachas ukar mantkaniti —sasa.

Lucas 18:17

Qhanak sapxsma, khititix Diosan qhapaq markap mä wawjam jan katuqkani ukaxa, janipuniw Diosan qhapaq markapar mantkaniti —sasa.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 3:17

Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

1 Corintios 4:10

Cristor iyawsapxatax laykux luqhinakarjamaw jaqinakax uñjapxitu; ukatsipana, jumanakarux Cristo laykux ch'ikhinakarjamaw jaqinakax uñjapxtam. Nanakax pisi ch'amanïpxtwa, ukampis jumanakax wali ch'amanïpxtawa. Nanakarux jisk'achapxituwa, jumanakarusti yäqapxtamwa.

1 Corintios 6:9

¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

Gálatas 6:7

Jan sallqjasipxamti; janiw khitis Diosat sawkaskaspati. Kuntix jaqix yapuchki ukarak apthapini.

Efesios 5:6

Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

Santiago 1:22

Ukampis jan aliq isch'ukirinakakïpxamti, jan ukasti luririnakäpxam, jan lurapkät ukasti, jumanakpachakiw sallqjasisipkasma.

Santiago 1:26

Maynitix Diosar sum arkatap amuyaschi ukatsti kuns parlaskakchi ukaxa, jupa pachpaw k'arintasiski, Diosar arkatapasti inamayakiwa.

1 Juan 1:8

Jiwasatix “Janiw juchanïkti” sañänixa, jiwaspachaw k'arintastan, janirakiw jiwasan chiqax utjkiti;