1 Corintios 3:14 - Qullan Arunaka DC

¹⁴ Maynin luräwipatix suma luratächixa, payllap katuqani;

Aymar Bibliia 1986

¹⁴ Maynin luräwipatejj uca ninan jan naqhantcani ucajja, pago catokani luratapatjja.

Qullan Arunaca

¹⁴ Maynin luräwipatejj uca ninan jan naqhantcani ucajja, pago catokani luratapatjja.

1 Corintios 3:14 Jak'a apnaqawi uñst'ayäwi

Daniel (hebreo) 12:3

Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

1 Corintios 3:8

Yapuchirinakasa, qarpirinakas kipkakïpxiwa, sapa maynirus Diosaw luräwipatjam churani.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

1 Corintios 9:17

Nayatix amtañaxampik lurirista ukaxa, luräwixat katuqañax wakisispawa; ukampis nayatix jariyatat lurirista ukasti, kuntix Diosax siskitu uk phuqhañ laykuw lurirista.

Gálatas 6:4

Sapa mayniw sarnaqäwip uñjasiñapa, luratapatix walikïskchixa, jupa pachpaw ukat kusisini, ukampis janiw mayninakatakïkiti.

1 Tesalonicenses 2:19

Jesucristo Tatitusan nayraqatapana, kunapachatix jupax jutkan ukkhasti, ¿khitirakïn nanakan suyt'äwixampi, kusisiñaxampi, jach'achasiñaxampisti? Jumanakäpxtawa, janiw khitïkaspasa.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.