1 Corintios 2:6 - Qullan Arunaka DC

⁶ Iyawsañapan thurt'atäpki ukanak taypinxa, yatiñ kankañ arunakampiw parlapxta. Ukampis janiw akapach yatiñat parlapkti, janirakiw marka apnaqirinakatsa parlapkti, jupanakan munañanïñapax niyaw tukusiski.

Aymar Bibliia 1986

⁶ Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

Qullan Arunaca

⁶ Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

1 Corintios 2:6 Jak'a apnaqawi uñst'ayäwi

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 12:19

Sacerdotenakarus lurañanakap apaqi, munañan jaqinakarus marka apnaqäwit jaquqaraki.

Job 12:21

Munañan jaqinakarus jisk'achjiwa, ch'amaninakarus jan ch'aman lurjaraki.

Salmos 146:4

jiwxapxi ukapachaxa, laq'aruw tukxapxi, ukürpachaw amtatanakapax tukusxi.

Salmos 33:10

Tatitux ñanqha lurir markanakan amtatanakap q'al aynacht'ayi,

Salmos 37:37

Aski jaqir sumpach uñtam: jutir jakañapax sumankañ jakañawa.

Isaías 40:23

Jupasti munañani jaqinakarux janis kunäkaspa ukham tukuyi, aka uraqin jach'a jilïrinakarus chhaqtayarakiwa.

Mateo 13:22

Ch'aphi taypir purir jathasti, suma arunak ist'ir jaqinakawa, akapach yänakat llakisitapampi, qamir yänakar munatapampiw atipjayasipxi. Taqi ukanakaw suma arunakar chhaqtayi, janirakiw chuymanakapan jiltaykiti.

Mateo 19:21

Jesusasti sänwa: —Jumatix chiqap jaqïñ munstaxa, saram, taqi yänakam aljaram, ukatsti jan kunaninakar churam. Ukhamat alaxpach markan suma yänakanïyäta. Ukatsti nayar arkita —sasa.

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Lucas 16:8

Qamir jaqisti yänak jan wali apnaqirirux jach'aruw aptäna jupan amuyt'a kankañampi, ch'ikhi kankañamp luratap layku. Akapachankir jaqinakax lurañanakapanxa juk'amp ch'ikhi chuymanïpxiwa, qhanankirinakat sipansa.

1 Corintios 1:28

Diosax jisk'achat jaqiru, akapachan jan yäqat jaqiruw ajllisi khitinakatix yäqatäpki ukanakar aynacht'ayañataki.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

1 Corintios 2:1

Jilatanaka, kunapachatix jumanakar qhispiyasiñ arunak parlir jutkta ukkhaxa, janiw nayax yatiñ kankañampi, jan amuyt'kay arunakampi parlapkäyäsmati.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

1 Corintios 2:8

Aksti janiw jichhür akapach apnaqirinakax amuyapkiti, jupanakatix amuyasapän ukax janiw alaxpach Tatiturux cruzar ch'akkatapkasapänti.

1 Corintios 3:1

Jilatanaka, nayasti janiw jumanakar ajay tuqin ch'aman jaqinakarjam parlapksmati, jan ukasti, pisi ch'aman jaqinakarjamakiw parlapxsma, Cristonkir asu wawanakäpkasmas ukhama.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

2 Corintios 4:3

Diosan suma yatiyäwi arunakap parlapksma ukanakatix mä velompjam imt'ata jan qhanäkchixa, khitinakatix chhaqhañar sarapki ukanakatakikiw ukhamäski.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

Colosenses 4:12

Epafras jilata, khititix Criston luqtiripäki, jumanakat maynïrïkaraki, jupas aruntanipxtamwa. Jupasti jumanakatakix walipuniw Diosat mayiski, Diosan munañap phuqhirinakjam thuruñchat sayt'asipxañamataki.

Hebreos 5:14

Ukampis waña manq'ax jach'a jaqinakatakiwa, khitinakatix amuyt'asiñ yatipki, kunatix walïki, jan walïki uk uñt'añatakis yatitäpki ukanakatakiwa.

Hebreos 6:1

Ukhamasti ajay tuqin jach'a jaqir tukuñkam nayraqatar sarantaskakiñäni, Cristo tuqit nayra yatichäwinak maysar apanukusa, jan juk'amp jasa yatichäwinakat parlkxañäniti. Jan wali lurañanak apanukuñäni, Cristor arkañäni, jan jiwañatakisti juch lurañ apanukuñäni. Diosar iyawsañasäki uk niy yatxtanwa,

Santiago 3:15

Uka yatiñ kankañax janiw Diosat jutkiti, jan ukasti akapach yatiñ kankañakiwa, jaqin amuyt'apakiwa, pachpa supayat juti.

Santiago 3:2

Taqiniw kunayman pantjasiñarux puripxtan; jichhasti, maynitix arsutapamp jan pantjaskchi ukaxa, chiqa jaqiwa, taqpach janchipsa sum apnaqarakispa.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.