1 Corintios 16:6 - Qullan Arunaka DC

⁶ Inas jumanakampi mä qawqha urunak qhiparañaxax wakischini, jan ukax, thayapacha urunak ukankañ wakisirakchini; ukhamat jumanakax yanapt'apxitasma kawkharutix sarañaxäkani ukkhar puriñaxataki.

Aymar Bibliia 1986

⁶ Inas jumanacampejj mä juc'a pachanacaqui kamarchï, jan ucajj take juyphipachasa ucancaracchï, uqhamasti jumanacajj yanapt'apjjaraquitasmawa cawquirutï sarañajjäqui uca saräwejjanjja.

Qullan Arunaca

⁶ Inas jumanacampejj mä juc'a pachanacaqui kamarchï, jan ucajj take juyphipachasa ucancaracchï, uqhamasti jumanacajj yanapt'apjjaraquitasmawa cawquirutï sarañajjäqui uca saräwejjanjja.

1 Corintios 16:6 Jak'a apnaqawi uñst'ayäwi

Hechos 15:3

Jerusalenar sarkasinsti, jupanakax Fenicia, Samaria chiqanak sarakipawayapxäna. Ukawjanakansti kunjämtix jan judiöpkis ukanakax nayra iyawsäwinakap apanukusin Diosar arkapkäna ukanak yatiyapxäna. Uk ist'asinsti jilatanakax wal kusisipxäna.

Hechos 17:15

Pablompi chik saririnakasti, Atenas markakamaw juparux irpapxäna. Pablox jupanakar iwxa arunak apayasïna, Berea markar kuttasin Silasampir Timoteompir sapxañapataki: “Atenas markar jank'ak jupanakax sarapxpan” sasa.

Hechos 20:38

Jupanakasti wali llakt'ataw uñjasipxäna. Pablox jupanakar: “Janiw nayarux mayampsa uñkatxapxitätati” satayna uka layku. Ukatsti taqiniw Pablompi chik barcokam sarapxäna.

Hechos 21:5

Ukampis ukat paqallq ururusti saraskakiñatakiw mistuwayxapxta. Jilatanakasti warminakampi, wawanakampi kunaw nanak chikarak marka anqäxkam sarapxi. Quta thiyar purisinsti killt'asisaw Tatitur mayisipxta.

Hechos 27:12

Janiw uka puerton thaya pachax ukankañjamäkänti; ukat taqiniw uka chiqat sarxañak amuyt'apxäna, Fenice markar purisin, thaya pachan ukankañataki. Fenice puertox pachpa Creta wat'ankänwa, quta muykatana, inti jalanta tuqina.

Hechos 28:11

Kimsa phaxsi uka wat'ankasinsti, yaqha barcotarak mistuwayapxta, uka barcosti thaya pachan ukawjan qhiparatayna; Alejandría markankir barcötaynawa, uka barcon nayräxapansti Cástor ukhamarak Pólux sat diosanakan uñnaqapampi uchatänwa.

Romanos 15:24

Españar sarkasaw purt'aniñ munta. Niyak jumanakampi jikisxasinsti, juk'a pachakïpasaya, sarañaxatakix jumanakan yanapt'am munta.

1 Corintios 16:11

Ukhamasti jan khitis jumanakat jupar jisk'achpati; jan ukasti, saräwipan sumäñapatak yanapt'apxam, nayar uñjir jutañapataki, nayasti mayni jilatanakamp kunaw jupar suyaskta.

2 Corintios 1:16

Macedoniar sarkasaw jumanakar nayraqat tumpt'añ munäyäta, ukat kuttanisax wasitat jumanakar tumpt'añataki. Ukhamat jumanakax Judear sarañaxatak nayar yanapt'apxitasma.

Tito 3:12

Kunapachatix Artemasaru, jan ukax, Tiquicorus khithankäma ukapachaxa, Nicópolis chiqan nayamp jikisir jutañamapuniwa, nayax thaya pachan ukan qamarañ amtasta.