1 Corintios 16:16 - Qullan Arunaka DC

¹⁶ Nayasti muntwa jumanakax jupanakjam yanapt'asiri, irnaqiri jilatanakar ist'apxañama.

Aymar Bibliia 1986

¹⁶ Muntpï jilatanaca, jumanacajj uqham uca casta yanapt'asiri uqhamarac irnakeri jilatanacarojj ist'apjjañama.

Qullan Arunaca

¹⁶ Muntpï jilatanaca, jumanacajj uqham uca casta yanapt'asiri uqhamarac irnakeri jilatanacarojj ist'apjjañama.

1 Corintios 16:16 Jak'a apnaqawi uñst'ayäwi

1 Crónicas 12:18

18 (19) Ukhamasti Amasai sat kimsa tunka jaqinakan irpiripax Tatitun ajayupan phuqhantatax akham sasaw art'asïna: “¡David, Jesé chachan yuqapa! ¡Sumankañax jumatakïpan! ¡Sumankañax jumampïpan! ¡Sumankañax jumataki, yanapirinakamampitakïpan, Diosamaw jumarux yanapasktam!” sasa. Davidasti jupanakarux katuqänwa, ukatsti jilïrinak taypin lurañanak churäna.

Eclesiastés 1:3

¿Jaqisti kuna askirak jikxati, akapachan sapür irnaqasasti?

Romanos 16:12

Trifena, Trifosa jupanakar aruntapxam, jupanakasti Tatitutakiw irnaqapxi; ukhamarak Pérside munat kullakasarusa, jupasti Tatitutakix walipuniw irnaqawayi.

Romanos 16:3

Priscilampiru, Aquilampirux aruntapxam, jupanakax nayampi chikaw Cristo Jesusan luräwipan irnaqapxi.

Romanos 16:6

Mariar aruntapxam, jupasti jumanak laykuw wal irnaqawayi.

Romanos 16:9

Urbanor aruntapxam, jupax Criston luräwipan nanakamp chika irnaqiriwa, uka kipkarak Estaquis munat jilataxarus aruntapxam.

1 Corintios 12:28

Diosax iglesian utjañap munäna, nayrïrinxa apostolunaka; payïrinsti profetanaka; kimsïrinsti yatichirinaka; ukxarusti muspharkañ luririnaka, mayninakax usutanakar qullirinaka, yanapasirinaka, sarayirinaka, yaqha arunakat parlirinaka.

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

Efesios 5:21

Cristor axsarasax maynit maynikam jaysasipxam.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

1 Tesalonicenses 2:9

Jilatanaka, janchin jakañatakix jan inakt'as irnaqapxatanakax yatisipktawa. Nanakax uruy arumaw irnaqapxta, ukhamat Diosan suma yatiyäwip parlañanakaxanxa jan khititakis llakïskañataki.

1 Tesalonicenses 5:12

Jilatanaka, jumanak taypin irnaqapki, sarayapki, Tatitun sutipar iwxapkaraki ukanakar yäqapxañamatakiw achikt'apxsma.

1 Timoteo 5:17

Iglesia sum apnaqki uka jilïrinakax suman uñjatäñapawa, khitinakatix Diosan arunakap parlapki, yatichapki ukanakax, juk'amp suman uñjatäñapawa.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.

Hebreos 13:24

Irpirinakamarux taqinir aruntapxam, ukhamarak qullan markankirinakarusa, Italia markankirinakax aruntanipxaraktamwa.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”

3 Juan 1:8

Ukat jiwasanakax jupanakat amtasiñasa, ukhamat jupanakar chiqa kankañat arsutapat yanapt'añasataki.

Apocalipsis 2:3

Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.