1 Corintios 15:10 - Qullan Arunaka DC

¹⁰ Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

Aymar Bibliia 1986

¹⁰ Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

Qullan Arunaca

¹⁰ Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

1 Corintios 15:10 Jak'a apnaqawi uñst'ayäwi

Mateo 10:20

Janiw jumanakat arsupkäta, jan ukasti Awkiman Ajayupaw jumanak lantix arsuskani.

Mateo 25:16

Phisqa waranqa qullqi katuqiristi, uka qullqimpix alakip luräna, ukatsti yaqha phisqa waranqampi jikxatäna.

Romanos 11:1

Jichhasti jiskt'araktwa: ¿Diosax markapar apanukpachati? ¡Janiw ukhamäkiti! Naya kipkaw israelit jaqïtxa, Abrahamat saraqiri, Benjamín ayllut jutiriraki.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

1 Corintios 15:11

Ukhamasti nayasa, jupanakasa, kuntix yatiyapksma uka yatiyäwiruw iyawsapxtaxa, ukaw wakiskirixa.

1 Corintios 15:2

Aka suma yatiyäwi arunak tuqirakiw qhispitäpxäta, uka arunakarjam sayt'apkäta ukapacha, kunjämtix nayax jumanakar yatiyapksma ukarjama; jan ukhamäkani ukasti, iyawsatamax inamayakïniwa.

1 Corintios 3:10

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

1 Corintios 3:6

nayaw yapuchta, Apolosti umampiw qarpxati, ukampis Diosaw uka yapuchatarux jiltayi.

1 Corintios 4:7

Ukampis, ¿khitirak jumarusti mayninakat sipan juk'ampi sum churtamsti? ¿Kunatix utjktam uksti, janit Diosasti churktamsti? Jupatix churstam ukasti, ¿kunatarak jach'a jach'a tukta jumas jikxataskasma ukhamsti?

2 Corintios 12:11

Nayax mä luqhir uñtataw tukta, ukampis jumanakaw ukham tukuyapxista. Jumanakaw nayat sum parlapxañamäna, janiw nayax uka jach'achasir apostolunakat sipan aynacht'at uñjaskti, janis kuna jan yäqatjamäktsa ukasa.

2 Corintios 3:5

Janiw nanakpach kun lurañatakis yatiqatäpkirista ukhamäpkti; jan ukasti, taqi kuntix lurapkta ukax Diosat juti,

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Gálatas 2:8

Pachpa Diosaw Pedrorux khithäna judionak taypin apostolüñapataki, nayarusti jan judiöpkis ukanak taypiruw apostolüñatak khitharakitu.

Filipenses 2:13

Diosaw suma amtäwinak churapxtam, jupa pachparakiw uka lurañanak phuqhañan jupan munañaparjam yanapasipktam.

Filipenses 4:13

Criston ch'amapampix taqi kunaruw saykatirista.

1 Tesalonicenses 5:12

Jilatanaka, jumanak taypin irnaqapki, sarayapki, Tatitun sutipar iwxapkaraki ukanakar yäqapxañamatakiw achikt'apxsma.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.