1 Corintios 13:8 - Qullan Arunaka DC

⁸ Munasiñax janipuniw tukuskaniti. Mä urux profecía arunak yatiyañax tukusiniwa, janiw yaqha arunakat parlaskxaniti, janirakiw yatiñ kankañas munaskxaniti.

Aymar Bibliia 1986

⁸ Munasiñajj janipuniw tucusquiti. Mä urojj janiw Diosan arunacapajj parlascjjaniti, janiraquiw jan uñt'at arunacatsa parlascjjaniti, ni take cun yatiñas munascjjaraquiniti.

Qullan Arunaca

⁸ Munasiñajj janipuniw tucusquiti. Mä urojj janiw Diosan arunacapajj parlascjjaniti, janiraquiw jan uñt'at arunacatsa parlascjjaniti, ni take cun yatiñas munascjjaraquiniti.

1 Corintios 13:8 Jak'a apnaqawi uñst'ayäwi

Jeremías 49:7

Edom markataki taqi ch'amani Tatitun arunakapa: “¡Yatiñan jaqinakax janiw Temán markan utjkxiti! Janiw maynis utjkxiti. Yatiñ kankañax tukusiwayxiwa, janirakiw khiti iwxt'iris utjkxiti.

Lucas 22:32

ukampis nayaw jumatakix mayta iyawsañaman jan pist'añapataki. Jumasti, kunapachatix nayan ukar kuttanxät ukkhaxa, jilanakaman jan mayjt'asiñapatak jupanakar ch'amañcht'am —sasa.

Hechos 13:1

Antioquía iglesianxa, profetanakampi, yatichirinakampiw utjarakïna. Jupanakasti akanakänwa: Bernabé, Simeón (khitirutix “Negro” sasa sutichapkarakïna), Cirenenkir Lucio, Manahem (khititix, Galilea apnaqir Herodes Antipasamp chika jilasitayna uka), ukhamarak Saulo.

Hechos 19:6

Pablox amparapamp jupanakar luqxatki ukapachaw Qullan Ajayux jupanakxar jutarakïna, ukatsti jupanakax jan uñt'at arunakat arsupxäna, Diosat katuqat arunak yatiyapxarakïna.

Hechos 2:4

Jupanakasti taqpachaniw Qullan Ajayump phuqt'at jikxatasipxäna, ukatsti yaqha arunakat parlañ qalltapxäna, Qullan Ajayux parlaykän ukhamarjama.

1 Corintios 12:10

Yaqhipanakax muspharkañanak lurañatakiw ch'am katuqapxi, yaqhipanakasti profecía arunak yatiyañatakiw mä churäwi katuqapxi. Yaqhiparux Diosax aski ajayunaka, ñanqha ajayunak uñt'añ ch'ama churi, yaqhipanakarusti yaqha arunakat arsuñ ch'ama churaraki; ukhamarus yaqhipanakarux uka yaqha arunakat arsutanak qhanañchañ ch'ama churi.

1 Corintios 13:10

kunapachatix chiqa kankañax purinkan ukapachaw ukanakax tukusxani.

1 Corintios 13:13

Jan tukusirinakax kimsaw utji: iyawsaña, suyt'aña, munasiña; uka kimsatsti, munasiñaw wali wakiskirixa.

1 Corintios 14:39

Ukhamasti munat jilatanaka, jumanakax profecía arunak yatiyañar ch'amachasipxam, janirak jan uñt'at arunak arsuñsa jark'apxamti;

1 Corintios 8:2

Maynitix kunsa yatitap amuyaschixa, janïraw yatkiti kunjämtix yatiñapäki ukxa.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Hebreos 8:13

Kunapachatix mä machaq arust'äwit Diosax parlki ukkhax, nayrïr arust'äwirux mirq'ïxatap qhanañchi; ukasti niy tukusiñampïskiwa.