1 Corintios 12:8 - Qullan Arunaka DC

⁸ Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

Aymar Bibliia 1986

⁸ Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

Qullan Arunaca

⁸ Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 12:8 Jak'a apnaqawi uñst'ayäwi

Nehemías 9:20

Ukhamarus jumax suma chuymanïtam jupanakar uñacht'aytaxa, khuyapayasir ajayumampisti jakañ yaticharaktaxa; janipuniw alaxpach t'ant'a manq'añapataki pist'ayktati, umat pharjatäpkäna ukkhas uma churaraktaxa.

Job 32:8

Mä tuqitsti taqi jaqiw amuyt'a kankañani, taqi ch'aman Diosaw taqinir amuyt'a churaraki.

Salmos 143:10

Munañam lurañ yatichita, nayan Diosaxätam layku. Munasir ajayumax chiqa thakhinjamay irpitpan.

Éxodo 31:3

juparusti Diosan Ajayupampiw phuqt'ta, ukhamarak yatiñ kankañampi, suma amuyumpi, aski uñt'añanakampi, kunayman lurañanakatak ch'ikhi chuymampiw phuqt'arakta,

Proverbios 2:6

Tatituw yatiñ kankañ churirixa; amuyt'añampi, yatiñ kankañampix lakapat mistu.

Isaías 50:4

Khitinakatix chuyma usutäpki, qaritäpki ukanakar chuymachañatakiw Tatitux yatichitu. Sapa qhantatiw nayarux sartayitu, jupan mä suma yatiqiripjama, ukhamat suma yatichäwinakap katuqañataki.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Mateo 13:11

Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Hechos 6:3

Ukhamasti jilatanaka, jumanak taypit paqallq chachanak ajllipxam. Uka chachanakasti sarnaqäwinakapan aski chachanakäñapawa, Qullan Ajayump phuqt'ata, suma amuyt'irinakaraki, jupanakaruw uka lurañanak churañäni.

Romanos 15:14

Munat jilatanaka, nayax amuytwa, jumanakax munasiñampi, taqi yatiñ kankañampi phuqt'atäxapxatama, maynit maynikam iwxt'asiñsa yatxapxatama;

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 1:5

Jupa tuqiw Diosax ajay tuqin qamirïñ churapxtam, aru tuqina, yatiñ tuqina,

1 Corintios 13:2

Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.

1 Corintios 13:8

Munasiñax janipuniw tukuskaniti. Mä urux profecía arunak yatiyañax tukusiniwa, janiw yaqha arunakat parlaskxaniti, janirakiw yatiñ kankañas munaskxaniti.

1 Corintios 14:26

Ukhamax jilatanaka, kunapachatix tantachasipkät ukkhaxa, mayninakax q'uchunak q'uchupxasma, mayninakasti yatichapxasmawa, jan ukax kuntix Diosax sapktam uk qhanañchapxasma, jan ukax jan uñt'at arunakat parlapxasma, uka arunakat qhanañchapxarakisma. Taqi ukanakax purapat jiltañatakïñapawa.

1 Corintios 14:6

Jichhasti jilatanaka, nayatix jutasin jan uñt'at arunakat parlapxäm ukax janiw jumanakatak askïkaspati, janitix Diosan yatiyäwinakap parlapkirisma, yatiñ kankañat jan parlapkirisma, profecía arunak jan yatiyapkirisma, yatichäwinak jan yatichapkirisma ukaxa.

1 Corintios 2:11

¿Khitirak jaqin chuymapan utjki uk yatispasti? Kawkïr ajayutix chuymapankki ukakiw yatispa. Ukhamarakipï Diosan amtäwipxa, Diosan Ajayupakiw yatixa.

1 Corintios 2:16

Qillqatan siwa: “¿Khitirak Tatitun amuyup uñt'aspasti? ¿Khitirak Tatitur yatichaspasti?” sasa. Ukampis jiwasanakax Criston amuyupanïpxtanwa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 11:6

Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Corintios 6:6

Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

2 Corintios 8:7

Jumanakaw taqi kunan jilankapxtaxa: iyawsañana, arunak parlañana, yatiñana, q'apha chuymampi lurañ phuqhañana, nanakat yatiqasipkta uka munasiñana, uka kipkarakiw aka yanapt'a apthapiñan jilankapxañama.