1 Corintios 12:2 - Qullan Arunaka DC

² Jumanakax yatipxtawa, kunapachatix Cristor jan iyawsapkäyät ukkhaxa, jumanakax juykhur uñtataw jan parlir yaqha diosanak arkasipkäyätaxa.

Aymar Bibliia 1986

² Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

Qullan Arunaca

² Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

1 Corintios 12:2 Jak'a apnaqawi uñst'ayäwi

Salmos 115:5

lakanïkasas janiw arsupkiti; nayranïkasas janiw uñjapkiti;

Salmos 115:7

amparanïkasas janiw llamkt'apkiti; kayunïkasas janiw sarnaqapkiti; mallq'anïkasas janiw arsupkiti.

Salmos 135:16

Lakanïkasinsa janiw parlapkiti; nayranïkasinsa janiw uñjapkiti;

Isaías 46:7

Kallachinakapxaruw uka dios apapxi, mä chiqawjaruw uskupxi, ukasti janirakiw kawksarus unxtkiti. Yanapa mayiñatakis arnaqasisipkpan, ukampis uka diosax janipuniw ist'kiti, janirakiw llakinakatsa qhispiykiti.

Jeremías 10:5

Uka idolonakax melonanak yapuchat taypin, jamach'inakar sustjañatak jaqi t'ixitar uñtatäpxiwa; ukanakax janiw parlapkiti, janirakiw sarnaqapkisa, ukat ukanakarux q'ipnaqañax wakisi. Ukanakar jan axsarapxamti, janiw khitirus kuna ñanqhsa, asksa lurkiti.”

Mateo 15:14

Jan yäqapxamti, jupanakax juykhükasin yaqha juykhunakar irpirïpxiwa. Mayni juykhutix juykhu masipar irpanixa, panpachaniw kuna p'iyarus jaquranttapxani —sasa.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Gálatas 4:8

Nayrax, jumanakax Diosar janïr uñt'apkäyät ukkhaxa, k'ari diosanakaruw luqtapxäyätaxa.

1 Tesalonicenses 1:9

Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

1 Pedro 1:18

Tatitusti, jumanakarux nayra awkinakamat katuqapkayäta uka ina ch'usa jakañatsa qhispiyapxtamwa. Jumanakax sum yatipxtaxa, uka qhispiyasiñax janiw tukusir qurimpis qullqimpis alatäkiti,

1 Pedro 4:3

Jumanakasti kunjämtix Tatitur jan uñt'ir jaqinakax lurapki ukanak lurapxäyätaxa, jan walinak lurasa, jan walinak amtasa, manq'äwinak wakichasa, machantasisa, k'ari diosanakar yupaychasa.