1 Corintios 11:4 - Qullan Arunaka DC

⁴ Mä chachatix p'iqip ch'uqt'asis Diosat mayischixa, jan ukax yatiyäwi arunaksa arschixa, Cristoruw p'inqachayi.

Aymar Bibliia 1986

⁴ Mä chachatejj culton oración lurchi jan ucajj Diosan arunacapsa parlchi p'ekepa ch'okt'asisa ucajja, Cristotaquejj uca ch'okasiñajja p'enkawa.

Qullan Arunaca

⁴ Mä chachatejj culton oración lurchi jan ucajj Diosan arunacapsa parlchi p'ekepa ch'okt'asisa ucajja, Cristotaquejj uca ch'okasiñajja p'enkawa.

1 Corintios 11:4 Jak'a apnaqawi uñst'ayäwi

2 Samuel 15:30

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

2 Samuel 19:4

4 (5) Ukchañkamasti reyix ajanup imt'asawa, jach'at wararis jachäna: “¡Absalón wawaxay! ¡Absalón wawaxay, wawaxa!” sasa.

Miqueas 7:6

Yuqall wawanakasti awkinakaparux jisk'achapxiwa, imill wawanakas taykapatakiw sayt'asipxi, yuxch'anakasti taykch'inakapatakiw sayt'asipxi, sapa maynin uñisirinakapasti pachpa utapankirinakawa.

Hechos 13:1

Antioquía iglesianxa, profetanakampi, yatichirinakampiw utjarakïna. Jupanakasti akanakänwa: Bernabé, Simeón (khitirutix “Negro” sasa sutichapkarakïna), Cirenenkir Lucio, Manahem (khititix, Galilea apnaqir Herodes Antipasamp chika jilasitayna uka), ukhamarak Saulo.

1 Corintios 11:14

Pachpa sarnaqäwisaw yatichistu, chachan ñik'ut jilayasiñapax mä p'inqätapa;

1 Corintios 11:5

Ukat sipana, kunapachatix mä warmix p'iqip jan ch'uqt'asis Diosat mayischixa, jan ukax yatiyäwi arunaksa arschixa, chachaparuw p'inqachayi. Ñik'utapsa q'al mururaskaspa ukhamawa.

1 Corintios 12:10

Yaqhipanakax muspharkañanak lurañatakiw ch'am katuqapxi, yaqhipanakasti profecía arunak yatiyañatakiw mä churäwi katuqapxi. Yaqhiparux Diosax aski ajayunaka, ñanqha ajayunak uñt'añ ch'ama churi, yaqhipanakarusti yaqha arunakat arsuñ ch'ama churaraki; ukhamarus yaqhipanakarux uka yaqha arunakat arsutanak qhanañchañ ch'ama churi.

1 Corintios 12:28

Diosax iglesian utjañap munäna, nayrïrinxa apostolunaka; payïrinsti profetanaka; kimsïrinsti yatichirinaka; ukxarusti muspharkañ luririnaka, mayninakax usutanakar qullirinaka, yanapasirinaka, sarayirinaka, yaqha arunakat parlirinaka.

1 Corintios 13:2

Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.

1 Tesalonicenses 5:20

Jutir urunakat arsuñanaksti jan jisk'achapxamti.