1 Corintios 10:23 - Qullan Arunaka DC

²³ Jumanakat yaqhipanakax sapxiwa: “Maynix kuntix munki uk lurakispawa” sasa. Ukax chiqawa, ukampis janiw taqpachapun askïkiti. Jïsa, maynix kuntix munki uk luraspawa, ukampis janiw ukax taqinir ch'amañchkiti.

Aymar Bibliia 1986

²³ Chekpachansa maynejj cuntejj munqui ucjj lurascaquispawa, ucampis janiw takpachati maynitaquejj asquïcaspa. Maynitejj cuntï munqui uc luraspajja, ucampis janiw take cunas jupatac asquïquiti ajayu token jiltañataquejja.

Qullan Arunaca

²³ Chekpachansa maynejj cuntejj munqui ucjj lurascaquispawa, ucampis janiw takpachati maynitaquejj asquïcaspa. Maynitejj cuntï munqui uc luraspajja, ucampis janiw take cunas jupatac asquïquiti ajayu token jiltañataquejja.

1 Corintios 10:23 Jak'a apnaqawi uñst'ayäwi

Romanos 14:15

Jichhasti juman manq'atam laykutix jilamax usuchjat uñjaschixa, janiw munasiñan sarnaqktati. ¡Janiy juman kun manq'atam laykus maynix chhaqpati, Cristox jupa laykuw jiwawayi!

1 Corintios 14:12

Ukalayku, niyakixay jumanakax ajayun churäwinakap katuqañ munapxstaxa, kunanakatix iglesiar jiltaykaspa ukanakan utjañapay munapxam.

1 Corintios 14:17

Juman yuspagaratamax wali sumäskaspawa, ukampis maynitakix janiw askïkaspati.

1 Corintios 14:26

Ukhamax jilatanaka, kunapachatix tantachasipkät ukkhaxa, mayninakax q'uchunak q'uchupxasma, mayninakasti yatichapxasmawa, jan ukax kuntix Diosax sapktam uk qhanañchapxasma, jan ukax jan uñt'at arunakat parlapxasma, uka arunakat qhanañchapxarakisma. Taqi ukanakax purapat jiltañatakïñapawa.

1 Corintios 6:12

Mayninakax sapxiwa: “Nayax kuntix munkta uk luraskakiristwa” sasa. Ukax chiqakïskiwa, ukampis janiw taqi kun lurañas askïkarakiti. Jïsa, nayax taqi kunsa lurakiristwa, ukampis nayax janiw kunampis apnaqayasiñaxäkiti.

1 Corintios 8:1

Jichhasti yaqha diosanakar luqtat manq'anakat parlapxäma. Chiqpachansa sistanwa: taqiniw chiqpach yatiñ kankañanïtan; ukampis uka yatiñ kankañax jach'a jach'a tukuyi, munasiñasti Diosan markaparux jiltayiwa.

1 Corintios 8:9

Ukampis jumanakax amuyasipxam, ukham luratamampiw iyawsäwin pisïpki ukanakarux juchar puriyapxasma.

2 Corintios 12:19

Inas jumanakax uka arunakampik jariqasiñ munapkirista ukham amuyapxsta, ukampis janiw ukhamäkiti. Jan ukasti, Cristonkirinakjamaw Diosan nayraqatapan parlasipkta. Munat jilatanaka, taqi ukanakasti jumanakan ajayun jiltapxañamatakiwa.

Efesios 4:29

Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

1 Tesalonicenses 5:11

Ukhamasti maynit maynikamay ch'amañchasipxam, kamisatix jichhakam lurasipkta ukhama.

1 Timoteo 1:4

janirak nayra jaqinakan jan tukuskir parlanakapar ist'apxpati. Ukanakax ch'axwañanakarukiw puriyi, ukatsti janiw Diosan amtäwip yatiñatakix yanapkiti, Diosan amtäwip yatiñatakix jupar iyawsañasaw wakisi.