1 Corintios 1:8 - Qullan Arunaka DC

⁸ Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

Aymar Bibliia 1986

⁸ Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

Qullan Arunaca

⁸ Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

1 Corintios 1:8 Jak'a apnaqawi uñst'ayäwi

Salmos 37:17

Tatitux ñanqha jaqinakarux tukjaniwa, aski jaqinakarusti uywasirakiniwa.

Salmos 37:28

Tatitux aski kankañar muniriwa, arkirinakaparusti janiw jaytanukkiti; jucharar jaqinakarux tukjiwa, jan wawanakanirak jayti.

Lucas 17:24

Kunjämtix mä lliju llijux maysat maysar qhantixa, ukhamäniw Jaqin Yuqapax jutkan uka uruxa.

Lucas 17:30

Jaqin Yuqapax uñstankan ukürux ukhamäniwa.

Romanos 14:4

¿Khitirakït jumasti maynin yanapiripar jisk'achañatakisti?, wal luratapasa, jan wal luratapas uywiripatjamawa. Yanapiripasti sumaw sayt'ani, ukampis walikiw uñstani, Tatitux ch'amaniwa jupar sum sayt'ayañataki.

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

Romanos 8:19

Akapachan taqpach jakirinakaw suyt'aski, kunürutix Diosan wawanakapätasax qhanañchatäkani uka.

1 Corintios 3:13

ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

1 Corintios 5:5

uka jaqix Supayar katuyatäñapa, ukhamat janchipan tukjatäñapataki, ajayupasti Tatitux jutkan ukkharaki qhispiyatäñapataki.

2 Corintios 1:13

Qillqatanak apayanipksma ukansti, janiw jan ullarkaya, jan amuyt'kay qillqanipksmati, uksti sum amuyt'apxañam munta,

2 Corintios 1:14

niyaw nanakat mä juk'a amuyapxtaxa, kunapachatix Tatitux jutkan ukkhaxa, jumanakax nanakat wal kusisipxäta, nanakas uka kipkarakiw jumanakat kusisipxä.

2 Corintios 1:21

Ukatsti Diosaw nanakarusa, jumanakarus Cristompi mayachasax sum sayt'ayistu, jupaw yaqhacharakistu.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Filipenses 1:10

ukhamat kunatix askïki ukpun ajllipxañamataki. Ukapachakiw q'uma chuyman jakapxäta, Cristox jutkani ukkhasti, janiw khitis jumanakar juchañchapkätamti;

Filipenses 1:6

Diosaw suma luräwinakap jumanakampix qalltawayi, ukanakasti Jesucriston jutañapkamax juk'amp sumaw tukuskani.

Colosenses 1:22

jichhasti Criston jiwatap tuqiw Diosampix sumankthapipxtaxa. Uksti jumanakar jupa nayraqatan qullanar tukuta, jan q'añuni, jan juchan uñstayañatakiw luri.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

1 Tesalonicenses 3:13

Jupay chuymanakaman utjir iyawsäwir thuruñchpan, Jesucristo Tatitusax taqpach qullananakapampi jutkani ukapachasti, Dios Awkisan nayraqatapan jan kuna juchani, qullanaptat uñstapxañamataki. Ukhamäpan.

1 Tesalonicenses 5:2

Jumanakax askiw yatipxtaxa, Tatitux kutinkan uka urux jan suyat urüniwa, kunjämatix mä lunthatax arum jutki ukhama.

2 Tesalonicenses 2:2

janiy mäki amuyunakam mayjt'ayasipxamti, janirak kuna ajayun unañchäwi arunakapampis mulljayasipxamti, janirak kuna arunak ist'asinsa, janirak kuna qillqat katuqasinsa “Tatitun urupaw purinxi” sas qillqatäki ukatsa mayjt'asipxamti.

2 Tesalonicenses 3:3

Ukampis Tatitux phuqhiriwa, jupasti ch'amañchapxätamwa, taqi ñanqhatsa imapxarakïtamwa.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:18

Taripäwi urunxa Tatitux jupat khuyapt'ayaspan. Jumax askiw yattaxa, Éfeso markan yanapkistän ukanakxa.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

2 Pedro 3:14

Ukatpï munat jilatanaka, akanak suyt'kasaxa, Tatitumpi sumankañatak ch'amachasipxam, taqi kunsa askpun lurapxam, ukhamat jupan jumanakar jan juchani, jan q'añucht'at jikxatañapataki.