1 Corintios 1:6 - Qullan Arunaka DC

⁶ niyakixay jumanak taypin Cristo tuqit yatiyäwix ch'aman tukchixa.

Aymar Bibliia 1986

⁶ Take cunatejj Cristot parlasqui ucajj jumanacanjja khanpachwa uñsti.

Qullan Arunaca

⁶ Take cunatejj Cristot parlasqui ucajj jumanacanjja khanpachwa uñsti.

1 Corintios 1:6 Jak'a apnaqawi uñst'ayäwi

Marcos 16:20

Ukatsti yatiqirinakapax qhispiyasiñ arunak taqi tuqin yatiyapxäna; pachpa Tatituw jupanakarux yanapaskäna, kunayman muspharkañanak lurayasa, ukhamat arunakapan chiqätap uñacht'ayäna.

Hechos 11:17

Ukat nayax lup'ista: “Diosax aka jaqinakar jiwas judionakar churkistu uka pachpa waxt'äwi churaraki, Tatit Jesucristor iyawsatas layku. ¿Khitirakït nayasti Diosar jark'añatakisti?” sasa.

Hechos 11:21

Tatitun ch'amapax jupanakampïnwa, ukat waljaniw Tatitur iyawsapxäna, taqi jan wali luräwinakap apanukusa.

Hechos 18:5

Silasampi Timoteompix, Macedonia markat purinipkän ukapachasti, Pablox Tatitun arunakap yatiyañarukipuniw uchasxäna, judionakar qhanpach uñacht'ayarakïna Jesusan Mesiasätapa.

Hechos 20:21

Judionakarusa jan judionakarus sapxsmawa: ‘Diosar kutikipstapxam, Tatit Jesucristosar iyawsapxarakim’ sasa.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Hechos 22:18

Ukapachaw Tatitur uñjta, nayarusti situwa: ‘Jank'ak Jerusalén markat sarxam, akankir jaqinakax kuntix nayxat parlktas uk janiw ist'apkätamti’ sasa.

Hechos 23:11

Uka qhipa arumasti Tatituw Pablorux uñstäna, ukat jupar sarakïna: “Ch'amañcht'asim, Pablo, kunjämtix aka Jerusalén markan nayat arstaxa, ukhamarakiw Roma markan arsuñamax wakisini” sasa.

Hechos 28:23

Ukatsti jilïrinakax mä urutakiw wasitat tantacht'asiñ amtapxäna. Ukürusti Pablox qurpachaskän uka utarux walja judionakaw purinipxäna. Pablosti willjtat jayp'ukamaw Diosan qhapaq markapat jupanakar parläna. Jesusat amuyt'ayañ munäna Moisesan kamachinakap tuqi, profetanakan qillqatanakap tuqiraki.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

2 Corintios 12:12

Jumanakaw uñjapxista, llamp'u chuymampi t'aqhisiñanak mututaxampi, ukhamarak uñacht'äwinakampi, muspharkañ luräwinak lurataxampix nayan chiqpach apostolütax uñacht'ayi.

Gálatas 3:5

Diosax Ajayup jumanakar churapktam ukapacha, jumanak taypin muspharkay luräwinak lurki ukapachasa, ¿kunatsa ukham luri? Janiw kamachirjam phuqhatanakam laykuti, jan ukasti, ist'apkta uka suma yatiyäwi arunakar iyawsatanakam laykuw luri.

2 Tesalonicenses 1:10

kunapachatix Tatitux khä urun qullan markap taypin jach'añchayasir jutkani, Cristonkirinakas jupat muspharapkarakini ukapacha; jumanakasti kawkïr arunaktix churapksma ukarux iyawsapxtawa.

1 Timoteo 2:6

Jupaw taqinin juchap qhispiyañatak jiwañar katuyasiwayi, uksti Diosax wakisitarjamaw Jesucristo tuqi taqinir qhispiyañatak munasiñap uñacht'äwayi.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

Apocalipsis 1:2

Juan luqtiripasti kuntix uñjkatayna taqi ukanakxa ukhampach qillqi. Jupaw Diosan arup qhanañchi, Jesucristot arsuraki.

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 12:17

Uk uñjasasti dragonax warmitak walpun q'apisïna, ukatsti warmin mayni wawanakapampi nuwasiriw saräna, Diosan kamachinakap jaysirinakampi, Jesucriston arunakap katxäsirinakampi nuwasiriw sararakïna.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.