1 Corintios 1:30 - Qullan Arunaka DC

³⁰ Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

Aymar Bibliia 1986

³⁰ Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

Qullan Arunaca

³⁰ Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 1:30 Jak'a apnaqawi uñst'ayäwi

Proverbios 1:20

Yatiñ kankañax anqanakan arnaqasiski; thakhinakan arup ist'asiyaski;

Proverbios 2:6

Tatituw yatiñ kankañ churirixa; amuyt'añampi, yatiñ kankañampix lakapat mistu.

Proverbios 8:5

Jan yatiñ kankañan waynanaka, ch'ikhi kankañanïñ yatiqapxam, pisi chuymanaka, amuyt'asirïñ yatiqapxam.

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Jeremías 33:16

Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Daniel (hebreo) 2:20

jach'añchäna akham sasa: “Tatitun sutipax wiñayatak jach'añchatäpan, yatiñasa, ch'amasa jupankiwa.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Lucas 11:49

“Ukat Diosax yatiñapan sixa: ‘Profetanakampi, apostolunakampi jupanakan ukarux khithä, ukatsti jupanakat yaqhipanakarux jiwayapxaniwa, mayninakarusti t'aqhisiyapxarakiniwa’ sasa.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 17:26

Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”

Juan 17:8

jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.

Juan 8:12

Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Romanos 1:17

Ukampis Diosan suma yatiyäwi arunakapax kunjäm tuqis Diosax aski jaqinakar tukuyistaspa uk uñacht'ayistu: qalltat tukuykamax iyawsäwi tuqikiwa. Qillqatanakax akham siwa: “Aski jaqix iyawsäwi laykukiw jakani” sasa.

Romanos 11:36

Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.

Romanos 12:5

ukhamarakiw jiwasanakax waljanïkasas Criston mä sapa janchirukiw tukxtan, ukatsti maynit maynikamax pachpa janchin mayar tukt'atäxtanwa.

Romanos 16:11

Herodión sata marka masixar aruntapxam, uka kipkaraki Tatitur iyawsapki uka Narciso jilatan wila masinakaparusa.

Romanos 16:7

Andrónico, Junias, marka masinakaxar aruntapxam; jupanakasti nayamp chikaw carcelankapxäna; apostolunak taypin wali uñt'atäpxiwa, jupanakasti nayat nayraw Tatiturux iyawsapxi.

Romanos 4:25

jupax juchanakas laykuw jiwar katuyat uñjasïna, ukatsti aski jaqinakat katuqatäñasatakiw jaktayat uñjasirakïna.

Romanos 4:6

David kipkarakiw jaqin kusisiñapat arsüna, khitirutix Diosax jaqin luräwinakap jan yäqas aski jaqitjam katuqki ukxa.

Romanos 5:19

Sañäni, mä sapa jaqin jan jaysasirïtap laykux, waljaniw juchararäpxi; ukhamarakiw mä sapa jaqin jaysasitapampix waljaniw aski jaqinakar tukupxani.

Romanos 5:21

Kamisatix juchax jiwañ apanis utjantasïnxa, ukhamarakiw Diosan munasiñapax jiwasar aski jaqir tukt'ayasa, Jesucristo Tatitus tuqi wiñay jakañ churas utjantasïna.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

Romanos 8:23

Janiw akapach sapaki t'aqhiskiti, jan ukasti, jiwasaxa, Qullan Ajay nayraqat katuqirinakax t'aqhisiraktanwa. Jiwasanakax chuyma manqhisan t'aqhistan Diosan jiwasanakar wawanakapjam katuqatäñas uru suyt'asa, janchinakasax qhispiyat uñjaskani uka uru.

Romanos 8:9

Ukampis jumanakax janiw janchin munañaparjam jakxapxtati, jan ukasti, Ajayun munañaparjamaw jakxapxtaxa, Diosan Ajayupaw jumanakan jakxi. Khititix Criston jan Ajayupanïki ukanakax janiw Cristonkirïkiti.

1 Corintios 1:24

ukampis Diosan jawsatanakatakix judiöpas janis judiöpkpan, jupanakatakix Cristox Diosan ch'amapawa, yatiñ kankañaparakiwa.

1 Corintios 12:18

Ukampis Diosaw munataparjam janchirux taqi kun uchi.

1 Corintios 12:27

Ukhamasti jumanakax Criston janchipäpxtawa, jumanakat sapa maynix uka janchinkirïpxtawa.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 4:15

Jumanakax Cristor iyawsirjamax tunka waranqa yatichirinïsipkamsa, janiw walja awkinïpktati. Nayakiw jumanakan awkimätxa, nayaw jumanakarux Diosan suma yatiyäwi arunakap parlapxsma, uka tuqiw jumanakax Cristo Jesusamp mayakïpxtaxa.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

2 Corintios 12:2

Cristor arkir mä jaqiruw uñt'ta, jupasti kimsïr alaxpachar apatänwa, ukat akarusti niya tunka pusin maräxiwa. Janchina, jan ukax ajayunaki apatächïn uk janiw yatkxti, Diosakiw uk yati.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Efesios 1:10

Uka amtäwiparjamaw Diosax phuqhani kunapachatix uka urux purkani ukkhaxa, jupasti taqi kun mayachthapini, alaxpachansa aka uraqinsa, Criston munañapankañapataki.

Efesios 1:14

Qullan Ajayuwa jiwasanakan arxatirisaxa, Diosax waxt'äwip jiwasar churkistani uk katuqañasataki, uksti kunapachatix jupankirinakan qhispiyasiñapax phuqhatäxani ukkhaw katuqañäni, taqpachani jupan jach'a muspharkañ ch'amapat jach'añchañasataki.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.

Colosenses 1:14

jupasti cruzan jiwatapampiw qhispiyistu, juchanakas pampacharakistu.

Colosenses 3:16

Ukhamasti Tatitun arunakapax chuymanakamar phuqhantpan. Jumanakkamax taqi amuyt'a chuymampi yaticht'asipxam, iwxt'asipxarakim. Chuymanakaman Diosar yuspagaras ajay q'uchunak q'uchupxam.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 9:12

Cristox uka qullan chiqaruw manti, janiw cabritonakana, vaca qallunakan wilap luqtir mantkiti, jan ukasti, jupan pachpa wilap luqtiriw manti; mä kutikiw wiñayatak manti, ukatsti jiwasatakix wiñay qhispiyasiñ jikxati.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

2 Pedro 1:1

Nayax Simón Pedro, Jesucriston luqtiripätwa, apostoluparakïtwa. Aka qillqatsti, khitinakatix nanakjam mä suma iyawsañ jikxatapktas ukanakaruw qillqanipxsma, Qhispiyiri Jesucristo Tatitusan chiqätap layku.

1 Juan 5:6

Jesucristox uma tuqi, wila tuqiw juti; janiw uma sapatakti, jan ukasti umampita, wilampit juti. Diosan Ajayupaw qhanañchi, uka Ajayusti chiqapawa.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.