1 Corintios 1:27 - Qullan Arunaka DC

²⁷ Diosax jaqinakan pisi amuyunit uñt'at jaqinakaruw jach'a amuyuninakar p'inqachañatak ajllisi, ukhamarakiw jaqinakan pisi ch'amanit uñt'atanakaru, jila ch'amaninakar p'inqachañatak ajllisi.

Aymar Bibliia 1986

²⁷ Ucampis Diosajj jakenacan pisi amuyunit uñt'at jakenacaruw ajllisi jach'a amuyuninacar p'enkachañataqui. Uqhamaraquiw Diosajj ajllisi jakenacan pisi ch'amanit uñt'atanacaru, uqhamat jila ch'amaninacar p'enkachañataqui.

Qullan Arunaca

²⁷ Ucampis Diosajj jakenacan pisi amuyunit uñt'at jakenacaruw ajllisi jach'a amuyuninacar p'enkachañataqui. Uqhamaraquiw Diosajj ajllisi jakenacan pisi ch'amanit uñt'atanacaru, uqhamat jila ch'amaninacar p'enkachañataqui.

1 Corintios 1:27 Jak'a apnaqawi uñst'ayäwi

Salmos 8:2

2 (3) Uñisirinakaman utjatap laykux ñuñuskir wawanakan jach'añchatapampiw ch'amam uñacht'aytaxa, timasirinakampiru, qallasirinakampir t'unjañataki.

Isaías 29:14

Ukatpï jichhax muspharkañanaka aka markarux uñacht'ayäxa, ukatsti, aka markax muspharataw uñjasini. Yatiñani jaqinakapan yatiñanakapsa, ch'ikhi jaqinakapan amuyt'añanakapsa, q'al chhaqtayäxa.”

Isaías 29:19

Llamp'u chuymani jaqinakasti, jan kunani jaqinakasa, Qullan Tatitun kusisipxani.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Jeremías 8:9

Ukampis uka yatiñan jaqinakax p'inqachjatäpxaniwa, jan mayan tukjatäpxarakiniwa. Jupanakax janipuniw kuna yatiñanïpkisa, nayan arunakaxsa janiw ist'añ munapkiti.

Sofonías 3:12

Nayasti jumanak taypirux llamp'u chuymani, aski jaqinak jaytawayä, jupanakasti nayar iyawsas sarnaqirïpxaniwa.

Números 22:30

Ukampis asnox sänwa: —¡Taqi jakäwiman nayax jumar khumunaqsma, uksti sum yattaxa, janiw nayax kunapachas qallkatirïksmati! —sasa. Balaamax sarakïnwa. —Ukax chiqawa —sasa.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Mateo 21:16

ukat Jesusarux sapxäna: —¿Uka wawanakan arnaqasitap ist'tati? —sasa. Jesusasti jupanakarux sarakïnwa: —Jïsa, ist'twa. Ukampis, ¿janit uka tuqit qillqatanak uñxatapktasti? Ukasti akham siwa: ‘Jisk'a wawanakan lakapata, ñuñuskir wawanakan lakapata, jach'añchañ arunak mistuytaxa’.

Mateo 9:9

Jesusasti ukawjat sartasinxa, Mateo sat jaqiruw uñjäna, uka jaqisti Romatak qullqi apthapiñäwjan qunt'atäskänwa. Jesusasti sänwa: —Arkita —sasa. Mateosti sartasisin Jesusaruw arkxaruwayäna.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Hechos 7:35

“Diosax uka Moisesaruw jilïrita, qhispiyirit khithäna, israelitanakax jan yäqañ munapkchïn ukasa: ‘¿Khitirak jumar jilïrita, jan ukax nanakar taripirit uchtamsti?’ sasa. Diosax mä ángel tuqiw ch'aphi ali taypin jupar uñstäna.

Hechos 7:54

Uka arunak ist'asinti, Jach'a Tantachäwinkir jilïrinakax Estebanatak walpun q'apisipxäna, laka ch'akhanakapsa t'urusipxarakïnwa.

1 Corintios 1:20

¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

1 Corintios 2:12

Jiwasasti janiw akapachankir ajay katuqktanti, jan ukasti Diosat jutki uka Ajay katuqtan, ukhamat kunanaktix Diosax munasiñapan churkistu uk amuyt'añasataki.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.