1 Corintios 1:23 - Qullan Arunaka DC

²³ jiwasanakasti ch'akkatat Cristot yatiyapxtan. Ukaw judionakarux chuymap ust'ayi, jan judiöpki ukanakatakisti luqhi kankañarakiwa;

Aymar Bibliia 1986

²³ Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

Qullan Arunaca

²³ Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

1 Corintios 1:23 Jak'a apnaqawi uñst'ayäwi

Mateo 11:6

¡Nayat jan pächasirix kusisiñaniwa!” sasa.

Mateo 13:57

Jupanakasti janiw Jesusan yatichatanakap ist'añ munapkänti. Ukat Jesusax jupanakar säna: —Taqi chiqan mä profetarux sum katuqapxi, ukampis markapansa, utapansa janiw sum katuqapkiti —sasa.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

1 Corintios 1:18

Criston cruzan jiwatapat yatiyäwixa, chhaqhañar sarir jaqinakatakix luqhi kankañäkaspas ukhamawa; ukampis jiwas qhispiyat jaqinakatakix aka yatiyäwix Diosan ch'amapawa.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

1 Corintios 1:28

Diosax jisk'achat jaqiru, akapachan jan yäqat jaqiruw ajllisi khitinakatix yäqatäpki ukanakar aynacht'ayañataki.

1 Corintios 2:14

Khititix jan Dios chuymäki ukax, janiw Diosan Ajayupankki uka yänak katuqkiti, jupatakix luqhi kankañäkaspas ukhamawa. Janirakiw amuyt'kisa, taqi ukanakax ajay tuqin taripatäñap wakisitap layku.

1 Corintios 2:2

Jumanak taypinkasasti, janiw yaqhanakat yatiñ munkäyätti, jan ukasti cruzan ch'akkatat Jesucristotak yatiñ munäyäta.

1 Corintios 4:10

Cristor iyawsapxatax laykux luqhinakarjamaw jaqinakax uñjapxitu; ukatsipana, jumanakarux Cristo laykux ch'ikhinakarjamaw jaqinakax uñjapxtam. Nanakax pisi ch'amanïpxtwa, ukampis jumanakax wali ch'amanïpxtawa. Nanakarux jisk'achapxituwa, jumanakarusti yäqapxtamwa.

2 Corintios 4:5

Janiw nanak pachpat yatiyasipkti, jan ukasti Jesucriston Tatitütap yatiyapxta; nanakax Tatitur munatanakax laykuw jumanakan yanapirimar tukupxta.

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 5:11

Jilatanaka, nayatix jumanakaru: “Circuncisión katuqapxañamawa” sapxirismaxa, judionakax janiw jiwayañatak arknaqapkitaspati. Ukhamäspa ukasti Criston cruzapat parlañax janiw jupanakar mayjt'aykaspati.

Gálatas 6:14

Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.