1 Corintios 1:20 - Qullan Arunaka DC

²⁰ ¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!

Aymar Bibliia 1986

²⁰ Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

Qullan Arunaca

²⁰ Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

1 Corintios 1:20 Jak'a apnaqawi uñst'ayäwi

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 16:23

Uka urunakanxa, Ahitófel jaqimpi iwxt'ayasiñax, pachpa Tatitun arsutapäkaspas ukhamänwa. Ahitofelax wali yäqat jaqïnwa, Davidatakisa, Absalonatakis ukhamarakïnwa.

2 Samuel 17:14

Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

Job 12:17

Jupaw yatiñani jaqinakarux yatiñ kankañap apaqi taripirinakarus luqhirayaraki.

Job 12:20

Amuyt'ayirinakarusti jan arun antuti, chuyman jaqinakatsa amuyt'a kankañap apaqi.

Job 12:24

Mä markan jilïr irpirinakapatsti yatiñ kankañap apaqi, ukatsti wasararuw jan kawksaru sarañani jupanakar antutaraki,

Isaías 33:18

Kuna axsarañantix jakkäyät uk amtasisax sarakïtawa: “¿Kawkinkarak qullqi lluch'sur jaqisti? ¿Kawkinkarak jathinak waytir jaqisti? ¿Kawkinkarak torrenak jakhur jaqisti?” sasa.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Mateo 13:22

Ch'aphi taypir purir jathasti, suma arunak ist'ir jaqinakawa, akapach yänakat llakisitapampi, qamir yänakar munatapampiw atipjayasipxi. Taqi ukanakaw suma arunakar chhaqtayi, janirakiw chuymanakapan jiltaykiti.

Juan 12:31

Jichhapï akapachax taripatänixa, jichharakiw akapach apnaqiris jaqunukutänixa.

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Romanos 1:20

ukampis Diosat jan yatiñjamäki ukxa jupan luräwinakap tuqikiw uñt'sna. Ukhamasti, aka uraqix luratäkän ukkhatpach Diosätapax qhanpach uñacht'ayasi, ch'amapasti janipuniw tukuskaniti. Ukat ñanqha jaqinakax jupat jan jaltapkaspati.

Romanos 1:22

Jupanakax yatiñanïpxtwa sapxänwa, ukampis jan yatiñanjamaw tukupxi;

1 Corintios 1:19

Qillqatan siwa: “Yatiñan jaqinakan yatiñ kankañap chhaqtayä, ch'ikhi jaqinakan ch'ikhi kankañapsa tukjarakïwa” sasa.

1 Corintios 1:26

Jilatanaka, jumanakar Diosan jawsatapat amuyasipxañama, ukat sipana, jaqin amuyuparjamax jumanakat juk'anikiw yatiñanïpxtaxa, jumanakat juk'anikiw jilïr munañan jaqïpxtaxa, jan ukax wali aytat wila masit jutirïpxtasa.

1 Corintios 1:27

Diosax jaqinakan pisi amuyunit uñt'at jaqinakaruw jach'a amuyuninakar p'inqachañatak ajllisi, ukhamarakiw jaqinakan pisi ch'amanit uñt'atanakaru, jila ch'amaninakar p'inqachañatak ajllisi.

1 Corintios 1:28

Diosax jisk'achat jaqiru, akapachan jan yäqat jaqiruw ajllisi khitinakatix yäqatäpki ukanakar aynacht'ayañataki.

1 Corintios 11:32

kunapachatix Tatitux juchañchkistu ukkhaxa, yatiqañasatakiw mutuyistu, jan jiwasax akapachankir jaqinakampi chika juchañchatäñasataki.

1 Corintios 2:6

Iyawsañapan thurt'atäpki ukanak taypinxa, yatiñ kankañ arunakampiw parlapxta. Ukampis janiw akapach yatiñat parlapkti, janirakiw marka apnaqirinakatsa parlapkti, jupanakan munañanïñapax niyaw tukusiski.

1 Corintios 2:8

Aksti janiw jichhür akapach apnaqirinakax amuyapkiti, jupanakatix amuyasapän ukax janiw alaxpach Tatiturux cruzar ch'akkatapkasapänti.

1 Corintios 3:18

Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.

1 Corintios 3:19

Akapach yatiñ kankañasti Diosatakix luqhi kankañawa. Qillqatax siwa: “Diosax yatiñaninakarux pachpa sallqa yatiñapampiw katunti” sasa.

1 Corintios 6:2

¿Janit jumanakasti yatipkta Diosan qullan markapankirinakan akapachar taripañapsti? Akapachar taripañatix jumanakar wakt'apxätam ukaxa, ¿janit uka jisk'a ch'axwanakamsti uñjapkasmasti?

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.