1 Corintios 1:1 - Qullan Arunaka DC

^1-3 Corinto markan Diosan iglesiapankir munat jilatanaka, kullakanaka: Nayax Sóstenes jilatasamp chikaw jumanakar aruntanipxsma. Naya Pablox, taqi chuymaxampiw munta Dios Awkisampi, Jesucristo Tatitusampix munasiñapa, sumankañap jumanakar churañapataki. Diosaw nayarux Jesusan apostolupäñapatak ajllisitu, jumanakarusti jupamp chika jakapxañamataki, jupan ajllit markapäpxañamatakiw ajllipxaraktam. Ukhamat nanakampi, Jesucristo Tatitusar taqi akapachan yupaychapki, jach'añchapkaraki ukanakamp mayachatäpxäta.

Aymar Bibliia 1986

¹ Naya Pablojj Diosan munañaparjam jawsatätwa Jesucriston apostolupäñajjataque. Aca cartjja Sóstenes jilatampi chicaw

Qullan Arunaca

¹ Naya Pablojj Diosan munañaparjam jawsatätwa Jesucriston apostolupäñajjataque. Aca cartjja Sóstenes jilatampi chicaw

1 Corintios 1:1 Jak'a apnaqawi uñst'ayäwi

Lucas 6:13

Urjtanxipansti yatiqirinakaparuw jawsäna, ukatsti tunka payaniruw ajllïna, jupanakarux “apostolunaka” sasaw sutichäna.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 20:21

Jesusasti wasitampiw jupanakar säna: —¡Sumankañax jumanakampïpan! Kunjämtix Awkix nayar khithankitu, ukhamarakiw jumanakar khithapxsma —sasa.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

Hechos 1:2

kunürutix alaxpachar jupax makhatkän ukürkama. Jesusax alaxpachar janïr makhatkasaxa, ajlliskatayna uka apostolunakaparuw Qullan Ajayu tuqi iwxawayäna kuntix lurapxañapäki ukxata.

Hechos 18:17

Ukatsti taqpachaniw sinagogan jilïripa Sóstenes chachar katuntxapxäna, ukatsti taripañ uta uñkatasin jupar nuwjapxäna. Galionasti uk uñjasax janiw yäqkänsa.

Hechos 22:21

Ukampis Tatitux situwa: ‘Sartasim, nayax wali jaya markanakaruw khithäma’ ” sasa.

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

Romanos 1:10

Diosarusti mayiskapuntwa, jupan munañapächi ukax jumanakar tumpt'irix jutäwa.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

1 Corintios 15:9

Nayax apostolunakat sipan jan yäqatakïtwa, janirakiw apóstol satäñatakis askïkti, Diosan iglesiapar arknaqatax layku.

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 1:1

Corinto iglesiankir munat jilatanaka, kullakanaka, ukhamarak Acaya chiqankir taqi jilatanaka: Naya Pablompi, Timoteo jilatampix aruntanipxsmawa. Dios Awkisampi, nayar apostolüñatak ajllisir Jesucristo Tatitumpix khuyapayasiñapsa, sumankañapsa jumanakar churpan.

2 Corintios 11:5

Ukhamasti janiw nayax qhipat jutapki uka jach'achasir apostolunakat sipan jan yäqañäkti.

2 Corintios 12:12

Jumanakaw uñjapxista, llamp'u chuymampi t'aqhisiñanak mututaxampi, ukhamarak uñacht'äwinakampi, muspharkañ luräwinak lurataxampix nayan chiqpach apostolütax uñacht'ayi.

2 Corintios 8:5

Nanakax suyapkäyät ukatsa juk'ampi yanapt'anak apthapipxäna, jupanakpachaw Diosar katuyasipxäna, ukxarusti nanakaruraki, Diosan munañaparjama.

Gálatas 1:1

Galacia uraqin utjir iglesianakankir munat jilatanaka, kullakanaka: Naya Pablompi, nayamp chikäpki uka jilatanakampiw aruntanipxsma. Dios Awkisana, Tatit Jesucriston aski waxt'äwipampi, sumankañapampix jumanakampïpan. Nayax aka suma arunak yatiyañatak khithat apostolütwa: ¡Jesucristox jiwatanak taypit jaktawayi! Janiw nayarux akapachankirinakat khitis khithankituti, jan ukasti, pachpa Jesucristompi, jupar jaktayir Dios Awkimpiw khithanitu.

Efesios 1:1

Éfeso iglesiankir munat jilatanaka, kullakanaka: Jumanakaruw aruntanipxsma, Diosan aski markapankirinakaru, Jesucristor iyawsapkta, jupampi mayar tukt'as jakapkta uka jilatanakaru. Naya, Pablox Diosan munañapat Jesucriston apostolupätxa.

Efesios 4:11

Ukatsti jupa kipkaw sapa maynirus churawayi, yaqhipax apostolüñapataki, yaqhipax profetäñapataki, yaqhipax Diosan suma yatiyäwi arup qhanañchañapataki, yaqhipasti awatirinaka, yatichirinakäñapataki.

Colosenses 1:1

Colosas iglesiankir munat jilatanaka, kullakanaka: Naya Pablompi, Timoteo jilatampiw aruntanipxsma. Jumanakax Cristor iyawsapxatamat Diosan aski markapäpxtawa. Nayasti Diosan munañapat Jesucriston apostolupätxa. Jiwasan Dios Awkisay jumanakarux munasiñapampi, sumankañapampi churpan.

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

1 Timoteo 2:7

Uk yatiyañatakiw Diosax nayar ajllisitu, apostolut ucharakitu, iyawsañampita, chiqa kankañampit jan judiöpki ukanakar yatichañaxataki. Kuntix nayax arskta ukax chiqäskapuniwa; janiw k'ariskti.

2 Timoteo 1:1

Munat Timoteo: Jumaruw aruntansma, taqi chuymaxampiw Dios Awkisaru, ukhamarak Tatit Jesucristosarux mayta munasiñapampi jumar phuqt'añapataki, taqi kunan yanapañapataki, samarañapsa churañapataki. Kunjämtix nayrax siskäyäsma, nayax Criston apostolupätwa sasa. Diosaw qhispiyasiñ arunakap yatiyañatak nayar khithitu, juparakiw Jesucristo tuqi wiñay jakañ katuqañaxatak arsuwayi.