Sofonías 3:18 - Qullan Arunaca

¹⁸ fiesta urunacanjja. Tatitu Diosajj siwa: “Nayaw khespiyäma cuna jan walt'añanacatejj jumjjancqui ucanacatjja, uca jach'a p'enkamsa apakaraquïmawa.

Aymar Bibliia 1986

¹⁸ fiesta urunacanjja. Tatitu Diosajj siwa: “Nayaw khespiyäma cuna jan walt'añanacatejj jumjjancqui ucanacatjja, uca jach'a p'enkamsa apakaraquïmawa.

Qullan Arunaka DC

¹⁸ phunchhäwi urunakanjam q'uchurakini. Tatitux siwa: “Nayaw jan walt'añanakamat qhispiyäma, uka jach'a p'inqamsa apaqarakïmawa.

Sofonías 3:18 Jak'a apnaqawi uñst'ayäwi

Salmos 43:3

Khanamamp chica cancañamamp apayanita: ucanacay thaquiman irpitpan, kollan kollumcam puriyitpan, utjäwimcam irpnokaraquitpan.

Salmos 79:4

Nanac jac'an utjir marcanacan larusiñapäpjjtwa; nanacar muyuntirinacan sawcasiñapäpjjaractwa.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Lamentaciones 1:4

¡Sionan thaquinacapajj llaquiscayawa! ¡Janiw qhitis cusisiñaru jutirejj utjcaraquiti! Marcan puncunacapasti ch'usa wasarar tucutawa; sacerdotenacasti jachapjjaraquiwa, tawakonacas wali jachapjjaraqui, Jerusalén marcasti wali t'akhesiraqui.

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Ezequiel 34:13

Jaya marcanacatsti ansusinjjaraquïwa, mayjaru anthapisinsti pachpa marcaparuw anacjjaraquëjja. Israel kollunacar mank'erwa anacjjaraquëjja, uca jawir thiyanacaru, utjaña marcanquir chekanacaru.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Oseas 9:5

¿Cuns jumanacajj lurapjjäta jach'a fiesta urunjja, Tatitun jach'a fiesta urupanjja?

Sofonías 3:20

Qhä tiemponjja take jumanacaru cuttayanjjasinjja mayaruquiw tantachjjapjjäma, jaya marcaru apanucutäpjjatamatsti cuttayanjjapjjaraquïmawa, ucatsti asquiruw tucuyapjjaraquïma, take marcanac taypina jach'aru aptatäpjjañamataqui. Naya Tatitu Diosaw ucanac arsta.”