Sofonías 3:15 - Qullan Arunaca

¹⁵ Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Aymar Bibliia 1986

¹⁵ Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Qullan Arunaka DC

¹⁵ Tatituw juchanakamat mutuyatäñxa apaqtam, uñisirinakamarus jaqunukurakiwa. Israel markan Reyipa Tatituw, juma taypinkaski; janiw kunat axsarañamas utjañapäkxiti.

Sofonías 3:15 Jak'a apnaqawi uñst'ayäwi

Génesis 30:23

Cunapachatejj jilïri wawapajj nazcän ucqhajj Raquelajj sänwa: “Diosaw jan wawanïtajjatjja p'enkajj apakjjetu,

Salmos 149:2

Israel marcajj utjayiripat cusispan, Sión marcan wawanacapajj Reyipat cusisipjjpan.

Salmos 19:9

Tatitur ajjsartañajj k'omawa, wiñayatac utt'atawa; Tatitun arsutanacapajj chekawa, takpach ucanacajj asquiraquiwa;

Salmos 85:3

k'apisiñam apanucjjtawa, k'apisiñaman nactañaparojj llamp'uchjtawa.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 25:8

Tatitojj wiñayataquiw jiwañarojj t'unjani, take jakenacana nayranacapatsti jachanacapsa pichararaquiniwa, marcapan aynacht'atapsti take aca orakpachatjja chhaktayjjaraquiniwa. Tatituw uqham arsu.

Isaías 33:22

Uca barcon pitanacapasti janiw barcon jach'a lawapjja catjjäscaspati, velopasti janiw janatatañjamäquiti. Uñisirinacasatsti uca kamir cancañanacapjja aparañäni, juyqhus jupanccani ucjja catokaniwa, suchunacasti apsuñaruw uscusipjjani. Tatituw chekapar uñjirisajja, jiwasan apnakerisajja, jiwasan reyisajja, jupaw khespiyistani.

Isaías 35:10

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Isaías 51:22

Tatitu Diosamajja, qhititejj marcaparu arjjatqui ucajj siwa: “Uca copa amparamat asakäma, cunampitejj jumajj machjascta uca; janiw jichhajj juc'ampi nayan colerasiñ copatjja umcjjätati.

Isaías 52:9

¡Jerusalenan t'unjatanaca, cusisiñat k'ochusipjjam wali ch'amampi, Tatitojj marcaparu qhuyapayasitap laycu, uqhamaraqui Jerusalenarus khespiyatap laycu!

Isaías 54:14

Cheka cancañaw jumarojj ch'amani tucuyätam, t'akhesiyatäñatsa ajjsarañatsa khespitaw uñjasiraquïta, jach'a ajjsarañas janiraquiw mayampsa jumarojj llaquisiycjjätamti.

Isaías 60:18

Orakemansti janipuniw ch'ajjwañanacajj mayampis ist'ascjjaniti, uqhamaraqui orakemansa janiw t'unjatäñajj, aynacht'añas utjcjjaniti, jan ucasti perkanacamarojj: ‘Khespiyasiña’ sasaw sutichäta, puncunacamarusti: ‘Yupaychaña’ sasaraqui.

Isaías 65:19

Naya quipcaw Jerusalenatjja cusisëjja, marcajjar uñjasinsti cusisiraquïwa. Ucanjja jachañajj janiw utjcjjaniti, janiraquiw llaquisiñat aykoñas utjcaniti.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Ezequiel 35:10

“Jumasti saractawa: ‘Israel marcajj paypacha marcapampejj nayancaniwa; nayaw jupanacan dueñopäyäjja,’ Tatitojj ucan jacascchi ucasa, sasa.

Ezequiel 36:15

Janipuniw mayampsa uca yakha marcanacampejj jisc'achaycjjämati, uca marcanacatjja janipuniw mayampsa jisc'achäwinacjja catokjjapjjätati, jumanacasti janipuniw marcamarojj jan wawanjja jaytcjjapjjätati uca laycu. Naya Tatituw ucjja arsta.’ ”

Ezequiel 39:29

Janiw jichhajj mayampsa jupanacataquejj maysa uñtcjjäti, Israel marcjjaru ch'amajj churanjjta uca laycu. Naya Tatituw ucjja arsta.”

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Amós 9:15

Uqhamajj jupanacarojj quipca orakeparuw ayruntaraquëjja, ucatsti janipuniw wasitat jiq'sutäcjjapjjaniti, nayajj jupanacar churcta uca oraketjja.” Tatitu Diosaw ucjja arsu.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Habacuc 2:17

Cuna jan walinactejj Líbano kolluru lurctajja ucanacasti juma contraw cutt'aninejja, animalanacapa jiwaraycani ucqhajja jumanacataquejja jach'a sustjasiñäniwa. Acasti jutaniwa jake jiwarayatanacamata, nacionpachana jakenacaru, marcanacana t'akhesiyapjjatanacamata.

Habacuc 2:8

Marcanacaw mayacht'asipjjani juma contrajja, ucatsti aparapjjaraquïtamwa cunjämtejj jupanacat aparctajja uqhamaraqui. Phokhayasipjjaraquïtamwa take jiwarayatanacamatjja, uqhamarac aca nacionana marcanacapa, ucan jaquirinacapa contra jan walinac lurasa t'akhesiyatamata.

Sofonías 3:17

Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Zacarías 12:3

Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.

Zacarías 14:11

Jïsa, Jerusalenajj jaken utjatäniwa, janiw wasitat t'unjatäcjjaniti. Jakenacapajj jan cunan camachcañaw jacasipjjani.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 12:15

“Jan ajjsaramti, Sión marca; uñtam, Reyimaw juti, mä asnor konjjatata.”

Juan 19:19

Pilatojj crusjjaru mä kellkatwa uscuyäna, ucansti aqham sänwa: “Nazaretanquir Jesús, judionacan Reyipa” sasa.

Juan 5:30

“Naya pachpatjja janiw cuns lurquiristti. Nayajj juchañchtwa cuntï Awquejjajj sisquitu uqhamarjama, juchañchañajjasti chekawa. Janiw nayajj munañajjarjama lurañ muncti, jan ucasti Awquejjajj qhitanquitu ucan munañaparjamaw lurta.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.