Sofonías 2:15 - Qullan Arunaca

¹⁵ Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: ‘Janiw aca marcjamajj utjquiti aca orakenjja’ sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

Aymar Bibliia 1986

¹⁵ Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: —Janiw aca marcjamajj utjquiti aca orakenjja —sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

Qullan Arunaka DC

¹⁵ Ukhamaw uka jach'a jach'a tukur markax tukuni, jupa pachpar alkatasir markaxa, jaqinakapas jach'achasiñampiw sapxäna: “Aka markjamax aka uraqin janiw yaqha markax utjkiti” sasa. ¡Uka markax t'unjata, jan kunani, pampa laq'unakan putupar tukuyataw jikxatasi! Uka chiqanjam sarakipirinakasti kusipayapxaniwa, jisk'achapxarakiniwa.

Sofonías 2:15 Jak'a apnaqawi uñst'ayäwi

Job 16:4

Jumanacatejj nayjamäpjjaraquismajja, nayajj jumanacjamaw parlaraquirista; p'eksa ucsaru acsaruw qhiwirista, walja arunacwa sapjjaraquirisma,

Job 27:23

Thayajj qhuyt'asisa ch'amampiw arcnakaraquini.

Isaías 22:2

Marcasti ch'ajjwañampi, ojjoñanacampi phokhantatawa, aca marcajj cusist'añac munasqui. Juman jiwirinacamajj janiw espadan jiwayata jiwapquiti, janiraquiw guerransa jiwapquiti.

Isaías 32:11

Jumanaca, qhitinacatejj jan cunat llact'asisa sarnakapcta ucanaca, qhathatipjjam, qhitinacatejj jumanac pachparu alcatasipcta ucanacajj ajjsarthapipjjam, uca isinacam isirasipjjam, ucatsti chhanqha isinacampi isthapisipjjam, t'akhesipjjatanacam uñacht'ayañataqui.

Isaías 32:14

Palaciojj apanucutäjjäniwa; ucatak jaken marcasti wasaraw tucuni, uca suma thuru perkanacasti wiñayataqui apanucutäniwa, ucansti c'uchiquiw monte asnonacajj jacasipjjani, uywanacas ucanwa mank'asipjjaraquini.

Isaías 32:9

Jumanacasti, jan cunat llact'asir warminaca, ist'apjjam cuntejj sapcäma uca arunaca. Jumanac pachparu alcatasir warminaca, arunacajj ist'apjjam.

Isaías 47:10

Jumajj ñankha lurañamanjja wali sumjamwa amuyasiyätajja, saraquiyätawa: ‘Janiw qhitis uñjquituti’ sasa. Yatiñ cancañamasa, ch'iqhi cancañamasa jumarojj c'arintapjjtamwa. Chuymamansti saraquiyätawa: ‘Nayaquïtwa, nayat sipan yakhajj janiw utjquiti’ sasa.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 19:8

Aca marcsti mä wasararuw tucuyaraquï, wali sustjascañaraquïniwa. Take aca marca cheka pasirinacasti wali sustjata mayjt'ataw uñjasipjjani uqhama k'ala t'unjata uñjasajja.

Jeremías 50:13

Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Lamentaciones 2:1

Tatitun colerasiñapajj sinti jach'apuniwa, ¡ucqha suma Sión marcarusti k'alwa chhaktayaraqui! Israel marcan sumäñapsa pampa t'unjaraqui, alajjpachat acapacharus jakocancaspa uqhama. Colerasiñapansti janiraquiw pachpa cayunacapan utt'äwipatsa amtasquiti.

Lamentaciones 2:15

Thaqui sariri jakenacasti uqham jumar uñjasajja, larusisaw amparanacapsa t'ajjllirasipjjaraqui; qhuyusipjjewa, p'eksa qhiwipjjaraqui, sapjjaraquiwa: “¿Acati cawquïri marcattejj wali parlapcäna, uqhamaraqui wali suma marcaw sapcäna ucasti?” sasa.

Ezequiel 27:36

Yakha marcanquir alaquipa lurir jakenacasti, jumar uñjasajj wali sustjatäpjjewa. Jichhasti jumajj mä ajjsarcañaw tucuractajja; wiñayataqui jiwatäjjaractawa’ ” sasa.

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Ezequiel 28:9

Jichhasti ¿mä diosäcasmas uqham amuyasiscaquïtati, jumar jiwayiri jakenaca nayrakatancasasa? ¡Qhitinacatejj jiwarayapcätam uca nayrakatanjja, janiw jumajj cunäctasa, mä jisc'a jakequïtawa!

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Nahúm 3:19

¡Chhojjrimataquisti janiraquiw kollajj utjquiti, llagamasti jan kollcañawa! Take qhitinacatejj aynacht'atama ist'apjje ucanacajj cusisiñat amparanacap t'ajjllisipjje, uqhamasti, ¿qhitirus jumajj jan ñankhanac lurtajja?.”

Habacuc 1:7

Sustjascaña, ajjsarcañaraquiwa, jupanacan leyinacapasti ch'amanacapampi lurañaquiwa.

Mateo 27:39

Jupan jac'apa pasapcän ucanacasti wal tokepjjäna p'ekenacapsa qhiwisa,