Sofonías 2:11 - Qullan Arunaca

¹¹ Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Aymar Bibliia 1986

¹¹ Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Qullan Arunaka DC

¹¹ Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Sofonías 2:11 Jak'a apnaqawi uñst'ayäwi

Génesis 10:5

Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

Salmos 138:4

Tatay, arsutanacam ist'asinjja, acapachanquir reyinacajj jumaruw yuspagarapjjätam;

Salmos 72:17

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Salmos 86:9

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Isaías 2:18

take yakha diosanacsti k'al tucjaraquini.

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Isaías 42:10

Tatitur k'ochupjjam mä machak k'ochu, wali jaya oraketpach juparojj yupaychapjjam, kotan tuyurinaca, uqhamarac uca kotan utjiri animalanaca, kota toke marcan jaquirinacasa.

Isaías 42:4

Janiw samarcaniti, ch'amsa jiwt'ayascaniti, aca oraken cheka cancaña uscuñapcama. Kota tokenquir marcanacasti yatichäwinacapjja suma ist'apjjani.”

Isaías 49:1

Jach'a kota tokenquir marcanaca, ist'apjjeta, jayanquir marcanaca, wal wal ist'apjjeta: Janïra nayajj nascta ucqhatpachaw Tatitojj nayar jawsitu, sutejjsti arsuraquiwa cunapachatejj nayajj taycajjan puracapancascäyät ucqhatpacha.

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Jeremías 46:25

Israelan take ch'amani Diosapasti saraquiwa: “Amón, Tebas chekanquir diosarus mutuyaraquïwa, uqhamaraqui Egiptorusa, diosanacaparusa, reyinacaparusa, faraonarusa, uqhamaraqui qhitinacatï juparu alcatasipqui ucanacarusa.

Daniel (hebreo) 11:18

Uca khepatsti kota tokenquiri marcanacaruwa nuwantaraquini, uca marcanacatsti waljaniw amparaparu jalt'apjjaraquini; ucampisa mä generalaw uca p'enkachäwirojj tucjani, amstanquir reyirusti mä p'enkwa tucjaraquini.

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Sofonías 1:4

“Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Sofonías 3:9

“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Zacarías 8:20

Acsti take ch'amani Tatituw sejja: “Ucampisa jutasipcaquiniwa jakenacajja, jach'a marcanacan utjiri jakenacasa.

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Deuteronomio 32:38

sacrificion loktata uywanacan liq'ip mank'apcän ucanacasa cawquincaraqui loktapcäyäta uca vino umirinacasti? ¡Sartasipjjpanaya jumanacar yanapt'añataqui! ¡Jutapjjpanay arjjatirisa!

1 Timoteo 2:8

Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.