Sofonías 1:4 - Qullan Arunaca

⁴ “Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Aymar Bibliia 1986

⁴ “Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Qullan Arunaka DC

⁴ “Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.

Sofonías 1:4 Jak'a apnaqawi uñst'ayäwi

2 Reyes 21:13

Jerusalén marcarojj tupt'äwa Samaria marcaru tupt'ta, uqhamarac Acab reyin familiaparus tupt'ta uca pachpa tupuñampi; k'omachäwa, cunjämatï mä platoru k'omachasina c'umpt'atajja uqhama.

2 Reyes 23:12

Ucjjarusti tucjaraquïnwa Judänquir reyinacajj Acaz chachan salapana alto chekaru altaranaca lurayapcäna ucanaca, uqhamarac tucjaraquïna Manasés chachajj altaranac luraycäna Tatitun templo patiopana, ucanaca; tucjasinjja t'unanacapjja Cedrón sat jawira umakataruwa willtanïna.

2 Crónicas 34:4

Jupan nayrakatapanwa tucjapjjäna Baal diosan take casta lantinacapan altaranacapa, ucatsti tucjayänwa incienso naqhayañatac uca patjjaru lurayatäcäna uca altaranaca. Uqhamaraquiw jisc'a jisc'a tucjayäna Asera diosan lantinacapa, yakha diosanaca, uqhamarac hierrot lurat c'ari diosanaca, ucanaca lak'a tucuyasinjja willjjatayänwa qhitinacatejj ucanacar sacrificionaca loktapcäna ucanacan jiwat amayanacapjjaru.

Éxodo 15:12

Jumasti ch'amamampejja orakempiw mank'antaytajja.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 6:12

Utanacapasa, orakenacapasa, warminacapasa yakhancjjaniwa. Nayasti amparajj aytaraquï, aca marcan utjirinacaru mutuyañataqui. Naya Tatituw, ucjja arsta.

Ezequiel 25:7

Ucatpï jichhajj amparajj aytäjja jumanacar mutuyañataquejja, yakha marcanacaruw catuyapjjämajja, uqhamat jupanacajj jumanacaru take yänacam aparañapataqui. Take marcanac taypitsti jiq'inucupjjämawa, take nacionanac taypitsa chhaktayaraquïmawa, k'alwa tucjapjjaraquïma. Ucapachaw jumanacajj yatipjjäta nayan Tatitütajja.’

Ezequiel 6:14

Jupanacar mutuyañataquejj amparajjwa aytaraquï, aynacha toke wasarat kalltasina, amsta token Ribla sisqui ucacamajja, take aca orakenacapjja, take marcanacapsa ajjsarcañ wasararuw tucuyaraquëjja. Ucapachaw yatipjjani nayan Tatitütajja” sasa.

Oseas 10:5

Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Miqueas 5:13

c'ari diosanacamsa, ajjsaraña kalanacamsa t'unjäwa, uqhamat jan mayampsa yupaychcjjañamataqui, cawquïr diosanactejj juma quipca lurascta ucanacaru.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Sofonías 2:13

Jupasti alay tokeruw amparapa loktaraquini, Asiria marcar t'unjañataqui, Nínive marcarusa jan jakenwa tucjaraquini, mä waña oraker tucuyasaraqui.