Sofonías 1:2 - Qullan Arunaca

² Tatitusti aqham siwa: “Nayasti take cunatï acapach oraken utjqui ucanacjja k'alwa tucjä.

Aymar Bibliia 1986

² Tatitusti aqham siwa: “Nayasti take cunatï acapach oraken utjqui ucanacjja k'alwa tucjä.

Qullan Arunaka DC

² Tatitux akham siwa: “Taqi kunatix akapach uraqin utjki ukanak q'al tukjä.

Sofonías 1:2 Jak'a apnaqawi uñst'ayäwi

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

2 Crónicas 24:24

Sirio ejercitotjja mä juc'a tamaquiwa purinipjjäna, ucampis Tatituw amparanacaparu catuyäna mä jach'a ejército, jupanacajj nayra awquinacapan Tatitupar apanucupjjatap laycu. Uqhamaw Joás reyejj t'akhesïna cuna mutuyäwi catokañapatejj wact'cäna ucanac catokasina.

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 36:29

Ucatsti nayan sutejjaru saraquim: ‘Jumaw uca rollo ninaru phichhanttajja, ucatsti Jeremiasarus juchañcharactawa, uca rolloru Babilonianquir reyin jutañapjjata kellkatätap laycu, aca marcarusti k'alwa t'unjaraquini, jan jakenacani, jan uywanacanwa jaytaraquëjja sasa.

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Lamentaciones 2:17

Tatitusti amtäwinacampejja phokhewa, arsutanacapsa phokharaquiwa. Cuntejj nayratpacha t'unjañ amtcän ucjja, jichhajj jan qhuyapt'ayasisaw t'unjawayi. Uñisirinacamampisa larusiyaractamwa, uñisiriman ch'amapsa jach'aruw aptaraqui.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.