Sofonías 1:18 - Qullan Arunaca

¹⁸ “Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Aymar Bibliia 1986

¹⁸ “Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Qullan Arunaka DC

¹⁸ Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!

Sofonías 1:18 Jak'a apnaqawi uñst'ayäwi

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

1 Reyes 14:22

Ucampis Roboaman luratanacapajj janiw walïcänti Tatitun nayrakatapana, ucatsti juc'ampwa colerayäna nayra awquinacapana jucha luratanacapata sipansa.

Job 21:30

Jupanacasti sapjjewa: “Cunapachatejj Diosajj colerasi ucapachajj mutuyäwi apayani, ucampisa ñankha jakerojj janiw cunas pasquiti” sasa.

Job 3:15

cawquïri marc apnakerinacatejj palacionacapsa korimpi, kollkempi phokhantasipqui ucanacampi chica.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Salmos 79:5

Tatay, ¿cunapachcamarac k'apisitaquïscätasti? ¿Cunapachcamarac k'apisiñamasti ninjam naqhanisti?

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Proverbios 18:11

Kamiristi amuyasiwa jupan yänacapajj, mä marcar alto perkanacampi muyuntatäcaspa uqhama.

Isaías 1:24

Ucatpï jichhajj take ch'amani Tatitojj, Israelan take ch'amani Tatitupajj sejja: “¡Ucqhacamaqui! Nayaw uñisirinacajjarojj juchañchä, jupanacarusti uqhamat uqham luraraquï.

Isaías 10:17

Kollan Diosasti, qhititejj Israelan khanapäqui ucajj akquiri ninaruw tucuni, mä uruquiraquiw naqhantani, tucjaraquini take koranacsa, uqhamaraqui ch'aphinaca marcan utjquejj ucanacsa.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Ezequiel 16:38

Chachanacampi jucha lurañanacan sarnakatanacamata, jake jiwayatanacamatwa jumarojj juchañchäma, wali jach'a colerasiñampiw jumarojj jiwañaru catuyäma.

Ezequiel 23:25

Nayasti jumjjarojja colerasiñajjwa warjjataniraquëjja, jupanacasti wali khoru cancañampiraquiw jumarojj uñjapjjätam; nasamsa, jinchunacamsa murokapjjaraquïtamwa, qhitinacatejj jacasipcäta ucanacarusti espadampiw jiwarayapjjaraquïtam. Yokall wawanacamsa, imill wawanacamsa aparapjjaraquïtamwa, ucatsti jumajj ninampi mank'antataw tucusiwayjjaraquïta.

Ezequiel 7:11

Nuwasiñanacaquiw sartasqui, ucanacasti ñankhanacacwa utjayi. Ucampisa jupanacajj kamir cancañanacapampejj janiw cunsa jicjjatapcaniti, uqhamaraqui arnakasitapampisa. Janiw jupanacanjj cuna asquis utjcjjeti.

Ezequiel 7:19

Kollkenacapsa callenacaruw willtapjjani, korinacapsa k'añu t'unanacäcaspas uqhamwa wartapjjaraquini. Tatitun colerasiñapa urojj purincani uca urusti janiw koripasa ni kollkepasa jupanacarojj khespiycaniti. Uca korinacajj janiraquiw mank'at awtjata puracanacapsa phokt'caniti, uca korir munasaw ñankha lurañanacaru puripjje.

Ezequiel 7:5

“Naya Tatituw arsta: Amuyasim, tucuyan puriniñapajj jac'ancjjewa, jan walt'añanacasti may mayaraquiw jutani, juman tucusiñamasti niyaw jac'ancjjaraqui.

Sofonías 1:11

¡Wararipjjam jumanacajj maysäjja Mortero sat marcanquir alaquipa jakenaca, take negocio lurir jakenacaw jiwarapjjani!

Sofonías 1:15

Uca urusti colerasiña urüniwa, llaquisiña, jachaña ururaquïniwa, t'unjatäña, apanucutäña, ch'iwi ch'amac uru, kenayampi urpumpi phokhantat ururaquïniwa.

Sofonías 2:2

Janïra t'unar uñtata thayampi qhuysutäcasina, uqhamaraqui janïra Diosan jach'a colerapajj ninjama jumanacjjaru jutquipana, uqhamaraqui janïra uca Diosan taripäwi urupajj purinquipana.

Sofonías 3:8

Ucampisa jumanacajj suyt'apjjeta cunürutï jumanacaru taripañataqui jutcä ucjja. Naya Tatitu Diosaw ucjja arsta: Nayasti amttwa take marcanaca, reinonaca mayaru tantachthapiña, ucat take jupanacjjaru mutuyäwi apayaniña, uqhamarac akquiri colerasiña warjjataniñataqui. ¡Ucatsti take orakenacawa t'unjatäni akquir colerasiñajjampi phichhantataraquïniwa!

Mateo 16:26

¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.