Sofonías 1:17 - Qullan Arunaca

¹⁷ Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.

Aymar Bibliia 1986

¹⁷ Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.

Qullan Arunaka DC

¹⁷ Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.

Sofonías 1:17 Jak'a apnaqawi uñst'ayäwi

Salmos 83:10

camisatejj jupanacajj Endor chekawjan t'unjat uñjasipcäna, oraketaquis wanur tucupcän uqhama.

Isaías 29:10

Tatituw jumanacjjarojj qhitani mä jach'a iqui. Profetanacajj marcan nayrapäcaspas uqhamawa, ucampis Tatitojj uca nayranacapjja ch'okantiwa.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 10:18

Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca:

Jeremías 15:3

“Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Jeremías 18:21

¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 4:18

“Sarnakatanacamampi, luratanacamampiw apt'tam cunatejj pasctam ucanacarojja, ñankha luratamaw aca jan walt'añjja apaniractam, chuymamsa ust'ayasa.”

Jeremías 8:2

Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Lamentaciones 1:14

Juchanacajjsti Tatituw yatisqui, jupa quipcaraquiw uca juchanacjja chincatitu. Uca juchanacasti mä yugöcaspasa uqhamaw jatjjattaraquitu; ch'amas janiquiw utjcaraquituti. Pachpa Tatituw jupanacan amparaparu catuyaraquitu, janiw jichhajj uca juchat jaltcaraquiristti.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Lamentaciones 1:8

Jerusalenajj sintpunwa juchañchjasiraqui, jisc'achayasiñcamaw juchañchjasiraqui. Qhitinacatejj nayrajj jach'aru aptapcän ucanacasti jichhajj jisc'achjjapjjaraquiwa, juparojj k'alala uñjapjjatap laycu. Ucatpï jichhajj jachasquejja, p'enkapatsti maysa uñtjjaraqui.

Lamentaciones 2:21

Callenacansti waynanacampi, chuymani jakenacampiquiw jiwarata liwirtasipqui; marcajjanquiri waynanacasa, tawakonacasa, espadampi jiwarayataw uñjasipjje, colerasiñama urunsti jiwarayañcamaw chhojjriñchjaractajja; ¡jan qhuyapt'ayasisaw jiwarayaractajja!

Ezequiel 16:38

Chachanacampi jucha lurañanacan sarnakatanacamata, jake jiwayatanacamatwa jumarojj juchañchäma, wali jach'a colerasiñampiw jumarojj jiwañaru catuyäma.

Ezequiel 24:7

Marcasti wila wartatanacampi phokhantatawa, wilajj wartatawa, ucampisa janiw lak'jjaru wartatäquiti, uqhamat uca lak'ajj imjjatañapataqui, jan ucasti mä k'ara karkjjaru wartatawa.

Ezequiel 24:8

Nayasti uca wiljja pachpa k'ara karkjjaruw jaytanucöjja uqhamat jan chhaktañapataqui, colerasiñajjas ninjama aktañapataqui, take cunasa chekapar uñjatäñapataqui.

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Romanos 11:7

¿Uqhamajj cunaraquisti? Israelitanacajj janiw jicjjatcänti cuntejj thakapcän ucjja. Ucampis cuntejj Diosajj ajllcän ucjja jicjjatapjjewa, mayninacasti chuymanacapansa kalaratäpjjewa.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

2 Pedro 1:9

Ucampis qhitintejj acanacajj jan utjqui ucajja, mä juyqhump sasiwa; nayra juchanacapat perdonatätapsa armjjaraquiwa.

1 Juan 2:11

Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.