Sofonías 1:15 - Qullan Arunaca

¹⁵ Uca urusti colerasiña urüniwa, llaquisiña, jachaña ururaquïniwa, t'unjatäña, apanucutäña, ch'iwi ch'amac uru, kenayampi urpumpi phokhantat ururaquïniwa.

Aymar Bibliia 1986

¹⁵ Uca urusti colerasiña urüniwa, llaquisiña, jachaña ururaquïniwa, t'unjatäña, apanucutäña, ch'iwi ch'amac uru, kenayampi urpumpi phokhantat ururaquïniwa.

Qullan Arunaka DC

¹⁵ Uka urusti q'apisiñ urüniwa, llakisiña, jachañ ururaki, t'unjatäña, apanukutäña, qinayampi urpumpi phuqhantat ch'amak ch'iwi ururakïniwa;

Sofonías 1:15 Jak'a apnaqawi uñst'ayäwi

Isaías 13:9

Tatitun urupajj purinjjewa, ajjsarcañ uruwa, colerasiñampi phokhantataraquiw naqhi, aca orakerusti ch'usa wasara tucuyaraquini, uqhamaraqui jucharar jakenacarus tucjaraquiniwa.

Isaías 22:5

Take ch'amani Tatituw uqham luri, mä ajjsarcañ urun puriniñapwa jupajj uscu, t'unjatäñana, jan amuyanïñan unañchanac uñjañ vallenjja, jach'a perkanacwa tincurayasipqui; arnakasitanacapasti kollunaccamaraquiw ist'asi.

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Sofonías 2:2

Janïra t'unar uñtata thayampi qhuysutäcasina, uqhamaraqui janïra Diosan jach'a colerapajj ninjama jumanacjjaru jutquipana, uqhamaraqui janïra uca Diosan taripäwi urupajj purinquipana.

Mateo 24:29

“Uqham llaquisiñ urunac pasjjepanwa intejj ch'amact'jjani, phajjsisa janiraquiw khantcjjaniti, warawaranacasti alajjpachat willirtaniraquiniwa, alajjpachanquir ch'amanacasa ucürojj qhathatiniwa.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Deuteronomio 28:52

“Take marcanacamaruw muyuntasina t'unjapjjaraquini, jach'a alto perkanacap tincuñapcama, cawqhanacarutejj jumanacajj iyawsañ uchapcäyat ucanaca, uqhamaraquiw muyuntapjjani, t'unjapjjaraquini take cawquïri oraktejj churctam ucanacan marcanacaparusa.

2 Pedro 3:7

Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.

Apocalipsis 6:17

Jach'a t'akhesiñ urojj purinjjewa, ¿qhitirac jichhasti sayt'asispa?”