Sofonías 1:10 - Qullan Arunaca

¹⁰ Aqham siw Tatitojja: “Qhä urunjja yanapa mayisa warariñanacaw ist'asini Chawlla Puncu satäquis ucatpacha. Jakesti maysäjja marcatpach art'asini, kollunacasti wali ajjsarcañaraquiw allthaptapjjani.

Aymar Bibliia 1986

¹⁰ Aqham siw Tatitojja: “Qhä urunjja yanapa mayisa warariñanacaw ist'asini Chawlla Puncu satäquis ucatpacha. Jakesti maysäjja marcatpach art'asini, kollunacasti wali ajjsarcañaraquiw allthaptapjjani.

Qullan Arunaka DC

¹⁰ Tatitux akham siwa: “Khä urunxa, Chawlla Punku satäkis ukäkatpacha yanap mayisa warariñanakaw ist'asini. Jaqin art'asitapax maysäx markatpachaw ist'asini, qullunakatsti allthaptkaspas ukhamaw ist'asirakini.

Sofonías 1:10 Jak'a apnaqawi uñst'ayäwi

2 Samuel 5:7

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

2 Samuel 5:9

Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

2 Reyes 22:14

Ucatsti sarapjjänwa Hilcías, Ahicam, Acbor, Safán, Asaías ucanacajja, Salum chachan profetisa Hulda warmipan ucaru; Salum chachasti Ticva chachan yokapänwa, uqhamarac Harhas chachan allchhiparaquïnwa, qhititï templo isinac uñjañapataqui utt'ayatäcäna uca. Hulda profetisasti Jerusalén marcana machak marcäquis ucanwa jacäna, cunapachatï jupar parlapjjäna ucqhajja,

2 Crónicas 3:1

Salomonajj Jerusalén marcanjja Tatitutaqui mä templo lurañyawa kalltäna, Moriah kolluna, cawqhantejj Tatitojj uñstcäna David awquiparu ucqhana, uqhamaraqui cawqharutejj Davidajj waquichcäna ucqharu, jebuseo Ornán chachajj trigo jawk'ascäna ucqharu.

2 Crónicas 32:22

Uqhamawa Tatitojj Ezequiasaru khespiyäna, Jerusalenanquiri jakenacarusa, Asirianquiri Senaquerib reyin ch'amapata, uqhamarac mayninacan ch'amapatsa, ucatsti suman sarnakañwa churäna take marcanacampi.

2 Crónicas 33:14

Ucat ucjjarusti, Manasés reyejj Davidan Marcapan perkapwa lurayäna Gihón ucqhata inti jalanta tokeru, uca perkasti jawir cheka pasasinjja Chawllanacana Puncupa sat chekacamawa purïna, ucatsti Ofel tokwa muyuntanïna. Uca perksti wali altwa luräna. Uqhamaraquiw Judá orakena nuwasiñataqui lurat take marcanacjjaru utt'ayäna ejercitonquir jilïrinaca.

2 Crónicas 34:22

Hilcías sumo sacerdotempi, uqhamarac qhitinacarutejj reyejj qhitcäna ucanacasti sarapjjänwa, khepa urunacat khanañchiri Hulda sat warmimpi jiquisiri, jupasti Ticva chachan Salum yokapan warmipänwa, uqhamarac jupajj templon isinaca uñjiri Harhas chachan allchhiparaquïnwa. Hulda sat warmisti Jerusalenana payïri tama utanac taypinwa jacäna, cunapachatï jupar parlapjjäna ucqhasti,

Nehemías 12:39

pasapjjaractwa aquïri puncunaca: Efraín sat puncu, Jesana sat puncu, Chawllanac sat puncu, uqhamarac pasapjjaractwa Hananeel sat torre, Patac sat torre, Ovejanacan puncup satäquis ucacama; ucatjja Guardia puncu satäquis ucqharuw sayt'apjjta.

Nehemías 3:3

Senaa sat chachan wawanacapajja asquichapjjaraquïnwa Chawllanacan puncupa satäquis ucjja. Jupanacasti uchapjjänwa viganaca, uqhamarac puncunacapsa uchapjjaraquïna cerrojonacapampi, uqhamarac barranacapampi cuna.

Isaías 59:11

Take jiwasanacasti osonacar uñtataw warartanjja, palomanacar uñtataw aykoractanjja; khespiyasiñwa suyt'asctanjja, ucampis janiw purinquiti; khespitäjjañwa suyasctanjja, ucampis jayancasquiwa.

Jeremías 39:2

Tunca mayani marana, pusïri phajjsina, llätunca uru sarakatarusti, cunapachatejj Sedequiasajj reyïcän uca maraw uñisirinacapajj take ejercitopampi Jerusalén marcaru mantanipjje,

Jeremías 4:31

Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Ezequiel 6:13

Cunapachatejj jakenacajj jiwaratanacaru uñjapjjani yakha diosanac jac'ana, altaranacap jac'anacana, take kollunacana, jach'a kollunaca patansa, kokanac c'uchunacansa, uqhamaraqui jach'a encinas sat koka c'uchunacansa, cawqui chekanacantejj k'apquiri inciensonacap loktasipcän uca chekanacana, ucapachaw yatipjjani nayan Tatitütajja.

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Sofonías 1:15

Uca urusti colerasiña urüniwa, llaquisiña, jachaña ururaquïniwa, t'unjatäña, apanucutäña, ch'iwi ch'amac uru, kenayampi urpumpi phokhantat ururaquïniwa.

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.