Salmos 99:3 - Qullan Arunaca

³ Ajjsarcañ sutipajj jach'añchatäpan: ¡Tatitojj Kollanawa!

Aymar Bibliia 1986

³ Ajjsarcañ sutipajj jach'añchatäpan: ¡Tatitojj Kollanawa!

Qullan Arunaka DC

³ Axsarkañ sutipax jach'añchatäpan; ¡Tatitux qullanawa!

Salmos 99:3 Jak'a apnaqawi uñst'ayäwi

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Nehemías 4:14

Ucatsti jupanacan ajjsarayasipjjatap uñjasinjja, jupanac taypiru sayt'asisinjja sistwa jilïrinacarusa, marca apnakerinacarusa, uqhamarac take jakenacarusa, aqham sasa: —Jan ajjsarapjjamti. Amtasipjjam, Tatitojj jach'awa, uqhamarac ajjsarcañaraquiwa; jumanacasti nuwasipjjam masinacam laycu, wawanacam laycu, uqhamarac warminacama, utanacama laycuraqui —sasa.

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Nehemías 9:5

Ucatsti levita chachanacajj Jesúa, Cadmiel, Binuy, Hasabnías, Serebías, Hodías, Sebanías, uqhamarac Petaías ucanacajj sapjjänwa: —Sartasipjjam, ucatsti wiñayan wiñayapatac jaquir Tatit Diosamaru yupaychapjjam. ¡Tatitusti bendicitäpan, uqhamaraqui jach'a kollan sutipasa jach'añchatäpan! —sasa.

Salmos 100:4

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Salmos 103:1

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Salmos 111:9

Marcaparojj khespiyiwa, arust'äwipsti wiñayataquiw utt'ayi: Diosajj kollanawa, ajjsarcayaraquiwa.

Salmos 145:17

Tatitojj take sarnakäwipan chekap uñjiriwa, take luräwinacapan munasiñaniwa.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Salmos 76:1

Diosajj Judá oraken uñt'atawa, sutipajj Israel marcan wali aytatawa;

Salmos 76:12

Jupaw p'ekechirinacarojj jan samanan tucuyi, acapachanquir reyinacarus ajjsarayaraqui.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Deuteronomio 28:58

“Jumatejj jan ist'cäta ni aca libron kellkat yatichäwinacarjamasa sarnakcaraquïta, ni ajjsartcaraquïtasa aca jach'a cancañan, ajjsarcaya Diosaman sutiparusa,

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.

Josué 24:19

Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!