Salmos 101:2 - Qullan Arunaca

² chekap jacañpun munta. ¿Cunapacharac nayar tumpitätasti? Reyi utajjansa, sarnakäwejjajj jan camscayäniwa,

Aymar Bibliia 1986

² chekap jacañpun munta. ¿Cunapacharac nayar tumpitätasti? Reyi utajjansa, sarnakäwejjajj jan camscayäniwa,

Qullan Arunaka DC

² chiqap jakañpun munta. ¿Kunapacharak nayar tumpitätasti? Utaxanxa, sarnaqäwixax jan kamskayäniwa;

Salmos 101:2 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

1 Reyes 9:4

Jichhasti jumatejj sarnakäta nayrakatajjana, cunjämatejj David awquimajj sarnakcäna uqhama, jan jucha lurasa cheka chuymamampi, uqhamarac luraraquïta cunanactejj siscsma lurañamataqui, ucatsti leyinacajjarusa, arsüwinacajjarusa ist'araquïta ucajja,

2 Crónicas 15:17

Israel marcanjja janis yakha diosanacan santuarionacapajj takpach apanucutäcchïna ucasa, Asa reyejj take chuymaw Tatitur arcäna.

2 Crónicas 30:12

Dios pachparaquiw Judá orakenquir jakenacarojj onjjtayaraquïna reyina, autoridadanacana arunacaparu phokhañataquejja, cunjämtï Tatitojj siscäna uqhamaru.

Salmos 101:6

Asqui jakenacaruw nayajj uñtä, nayamp chic jacapjjañapataqui; chekap sarnaker jakequiw loktitani.

Salmos 119:106

Juramento lurta, ucsti phokhäwa: cheka arunacamarjamaw sarnakä.

Salmos 119:115

Ñankha lurir jakenaca, nayat sarakapjjeta, Diosajjan arsutanacap phokhä.

Salmos 26:11

Sarnakäwejjasti jan cun camscayawa; nayar khespiyt'asita, nayat qhuyapt'ayasita.

Salmos 40:17

Tatay, nayajj jan cunanïtwa, llaquitaraquïtwa, janiquiy nayat armasistati; jumaw nayan arjjatirejjätajja, khespiyasiñajjätasa: ¡Diosajjay, janc'aquiy jutam!

Éxodo 20:24

Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Isaías 38:3

“Tata, nayajj achict'assmawa, amtasimaya cunjämtejj take chuymajjampi jumar sirvcsma uca, cunjämarutejj jumajj muncta uqhamarjamaw sirvsma” sasa. Ezequiasasti walpun jachäna.

Deuteronomio 6:7

Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

1 Samuel 22:14

Ucat Ahimelec sacerdotejj reyirojj saraquïnwa: —¿Juma jach'a munañan reyin take oficialanacamatsti cawquïriraqui, Davidjam cheka chuymanisti, uqhamarusa jupajja juma jach'a munañani reyin tollkaparaquiwa, reyin guardiapan jilïriparaqui, uqhamarac palacionsa wali jach'a jach'añchäwi catokeriraquejja?