Salmos 1:2 - Qullan Arunaca

² jan ucasti, jupan cusisiñapajj Tatitun arupawa, uca arupatsti arumay uruw lup'i.

Aymar Bibliia 1986

² jan ucasti, jupan cusisiñapajj Tatitun arupawa, uca arupatsti arumay uruw lup'i.

Qullan Arunaka DC

² jan ukasti, jupan kusisiñapax Tatitun arupawa, uka arupatsti arumay uruw lup'i.

Salmos 1:2 Jak'a apnaqawi uñst'ayäwi

Génesis 24:63

Ch'amacthapipansti ucsa tokenac muytt'iriw saratayna. Ucatsti acatjamatwa camellonacar jac'achasisinquir uñjaraquïna,

Esdras 7:10

Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Job 23:12

Leyinacapsa, camachi arunacapsa phokhapuntwa, janiw nayan munañajjac lurascti.

Salmos 104:34

k'ochojjajj Tatitun chuymapar purquirïpan, nayasti jupanacpun cusisiñ jicjjatä.

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 119:1

Jan juchañchcay sarnaker jakejj cusisiñaniwa, Tatitun yatichäwiparjam sarnakerejj cusisiñaniwa.

Salmos 119:11

Chuymajjaruw arunacam imta, juma contra juch jan lurañajjataqui;

Salmos 119:35

Arsutanacaman thaquipanay irpita, ucanquiw nayan cusisiñajjajja.

Salmos 119:72

Lacamat mistur arunacaruw munasta, warank warank korit sipana, kollket sipana.

Salmos 119:92

Janitejj yatichäwinacamajj nayar cusisiyquitasapänjja, niyaw llaquisiñajjamp tucusiriscäyäta.

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Salmos 88:1

Tatitojjay, Khespiyir Diosajjay, urojj yanapam maysma, arumasti nayrakataman arnakasta;

Jeremías 15:16

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Lucas 18:7

Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Romanos 7:22

Chuymajj mankhenjja Diosan leyiparu wal munta,

1 Tesalonicenses 2:9

Jilatanaca, ¿amtasipjjtati cunjämsa irnakapjjäyäta, uqhamarac t'akhesipjjäyäta jacañataqui ucjja? Uruy aruma irnakapjjäyäta jumanacatac jan cuna llaquïscañataqui cunapachatejj jumanacar Diosan arunacap churapcäyäsma ucqhajja.

1 Timoteo 4:15

Acanacatjja take chuymamampi amtasim, cunjämtejj jumajj nayrakataru sarcta uc takeni uñjapjjañapataqui.

2 Timoteo 1:3

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

Josué 1:8

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,