Rut 1:17 - Qullan Arunaca

¹⁷ Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

Aymar Bibliia 1986

¹⁷ Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

Qullan Arunaka DC

¹⁷ Nayasti kawkhantix jumax jiwkäta ukkhan jiwä, uka chiqanarak p'amp'achatäñ munta. ¡Dios Tatitusti taqi ch'amapamp mutuyitpan, nayatix jumar jaytanuküma ukaxa. Jiwañakiw jumampiru, nayampirux jaljtayistani!”

Rut 1:17 Jak'a apnaqawi uñst'ayäwi

2 Samuel 15:21

Itai chachasti saraquïnwa: —Tatitun sutipjjaru, uqhamaraqui juma jach'a reyin sutimjjaruw juramentompi arsta. Cawqhantejj juma, jach'a reyejj, jicjjatasïtajja ucanwa nayajj jicjjatasiraquï, jiwañansa jacañansa jumampi chicapunïyäwa —sasa.

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 3:35

Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

2 Samuel 3:9

¡Tatitusti nayarojj wali mutuyitpan, janitejj Davidampi phokä, cuntejj Tatitojj arsuwayqui ucanacampejja!

1 Reyes 13:31

Imt'jjatatsti wawanacaparuwa säna: “Cunapachatï nayajj jiwjjä ucqhajja, aca pachpa sepulturaruwa imt'jjapjjetäta, cawqharutejj aca Diosan wawaparu imt'jjta ucqharu. Nayan jiwat janchejjsti jupan imäwip thiyaruw uchapjjetäta,

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 2:23

Uqham sasinsti, Salomón reyejj Tatit laycuw juramento luräna: “Diosajj nayarojj mutuyitpan uqhamarac juc'amp yapt'araquitpan, aca arunacjja Adoniasajja jacañapa tokequiwa parli.

1 Reyes 20:10

Ben-adad reyejj wastatampiw Acab reyiru yatiyiri qhitanïna, aqham sasa: “¡Diosanacajj nayarojj walipuni mutuyitpan, janitejj Samaria marcaru tucjcäjja lak'aru tucuyañcama, mä jach'i churañataqui sapa mayni arquirinacajjaru ucajja!” sasa.

2 Reyes 6:31

Ucatjja reyejj jach'atwa arsüna: “¡Diosajj nayarojj jan walpuni mutuyitpan, janitejj jichhürpacha Safat chachan Eliseo yokapar p'ekepa apakcä ucajja!” sasa.

Salmos 45:10

Uñtanim, phuchajjay: jinchum alcatanisin ist'ita: marcamat armasjjam, wila masinacamat armasjjaraquim:

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Rut 1:16

Ucampis Rut warmejj juparojj saraquïnwa: —Jan mayistati jumat sarjjañajja, nayasti arcämaw cawqharutï sarcäta ucqharu, uqhamaraquiw jacä cawqhantejj jaccäta ucqhana. Juman marcamajj marcajjäniwa, Diosamasti, Diosajjaraquïniwa.

Rut 4:15

Juparaquiw cusisiyätam, uqhamarac qhuyapayätam cunapachatejj taycäjjäta ucqhasa. Jupasti yojjch'aman wawapawa, jumarusti wali muntamjja. Yojjch'amasti jumataquejj wali asquiwa, pakallko wawat sipansa juc'ampi —sasa.

1 Samuel 14:44

Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

1 Samuel 20:13

Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 3:17

Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.