Rut 1:15 - Qullan Arunaca

¹⁵ Ucatwa Noemí warmejj säna: —Uñtam, yojjch'a masimajj marcaparu, uqhamaraqui diosanacaparuw cuttawayjje, jumasti jupamp chica sarjjaraquim —sasa.

Aymar Bibliia 1986

¹⁵ Ucatwa Noemí warmejj säna: —Uñtam, yojjch'a masimajj marcaparu, uqhamaraqui diosanacaparuw cuttawayjje, jumasti jupamp chica sarjjaraquim —sasa.

Qullan Arunaka DC

¹⁵ Ukat Noemí mamax Rut yuxch'apar säna: —Uñtam, yuxch'a masimax markaparu, diosanakapan ukaruw kuttawayxi, jumasti jupamp chik sarxarakim —sasa.

Rut 1:15 Jak'a apnaqawi uñst'ayäwi

2 Reyes 2:2

Ucatsti Eliasajj Eliseorojj sänwa: —Jumajj aca chekaru kheparam, Tatitojj Betelaruw qhititu —sasa. Ucatsti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj sapaqui jumarojj jaytcämati —sasa. Ucatsti panpachaniw Betelcama sarapjjäna.

Salmos 125:5

jan wali thaquinjam saririnacarusti, ñankha luririnacamp chic aynacht'ayam. ¡Israel marcansti samarañajj utjpan!

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Sofonías 1:6

Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Números 10:30

Ucampis Hobab chachajj juparojj sänwa: —Janiw sarquiristti, orakejjaruquiw cuttjjä, cawqhancquitejj familianacajjajj ucaru —sasa.

Lucas 24:28

Cawquïr marcarutejj sarapcän uca marcar purisasti Jesusajj thac pasawayañ munascaquïnwa.

Hebreos 10:38

Nayan catokat asqui jakejj iyawsäwip laycuw jacani; khepar cuttan ucasti, janiw jupat cusiscäti”, sasa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Josué 24:19

Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

Jueces 11:24

Quemós sat diosamajj, ¿cunanactejj churctam jumancañapataqui ucanacjja jumanquïritjjay uñt'astajj janicha? Uca quipcaraquiw nanacan Diosajjajja cunanactejj churapquitu ucanacjja nanacanquïrit uñt'asipjjaracta.

Rut 1:14

Jupanacasti wasitat juc'ampi jachapjjäna. Ucatsti, Orfajj taycch'iparojj ajanupat jamp'att'asaw cutt'awayjjäna. Ucampis Rut warmejj Noemí taycch'ipamp chicaw kheparjjäna.

Rut 1:16

Ucampis Rut warmejj juparojj saraquïnwa: —Jan mayistati jumat sarjjañajja, nayasti arcämaw cawqharutï sarcäta ucqharu, uqhamaraquiw jacä cawqhantejj jaccäta ucqhana. Juman marcamajj marcajjäniwa, Diosamasti, Diosajjaraquïniwa.