Proverbios 7:10 - Qullan Arunaca

¹⁰ Ucatsti mäquiwa uca warmejj jicjjatiri mistuni, jan wali sarnaker warmjam isthapita, c'arintañ amtäwinacampi phokt'ata.

Aymar Bibliia 1986

¹⁰ Ucatsti mäquiwa uca warmejj jicjjatiri mistuni, jan wali sarnaker warmjam isthapita, c'arintañ amtäwinacampi phokt'ata.

Qullan Arunaka DC

¹⁰ Ukapachaw uka warmix jupar jikxatir mistuni, jan wali sarnaqir warmjam isthapita, sallqa chuymani,

Proverbios 7:10 Jak'a apnaqawi uñst'ayäwi

Génesis 3:1

Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: ‘Janiw cawquïri kokan achunacapsa mank'apjjätati’ sasa?

2 Reyes 9:22

Joram reyejj Jehú capitanar uñjasinjja sänwa: —¿Jehú, jumajj nayampïtati, jan ucajj nayamp nuwasirïtacha? —sasa. Ucjjarusti Jehú capitanajj sänwa: —¿Cuna sumancañaraqui jumampi utjaspasti Jezabel taycamajj jan walinacana sarnakascaqui yakha chachanacampi, uqhamarac walja laykasiñanacapampisa ucqhajja? —sasa.

2 Reyes 9:30

Jehú capitanajj ucatjja Jezreel chekaruw saräna. Jezabel warmejj uc yatisinjja, nayranacapjja pintasitaynawa, uqhamarac ñic'utanacapsa c'achachasitayna, ucatsti mä ventanaruwa jac'achasïna.

Proverbios 23:28

Uca warmejj lunthatjamawa suyjjatasa chachanacar catunti, ucatsti walja chachanacaruw chhakañar puriyi.

Isaías 23:16

Yakha chachanacampi sarnaker armanucut warmi, arpam jichhajj catum, marcpacha muytaraquim, suma música toct'asim, walja k'ochunac k'ocht'asim, inach jumatjja amtasipjjani.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

1 Timoteo 2:9

Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,