Proverbios 3:20 - Qullan Arunaca

²⁰ Jupasti yatiñampiwa lamar kotsa jaljtayi, jallsa kenayata puriyaraqui.

Aymar Bibliia 1986

²⁰ Jupasti yatiñampiwa lamar kotsa jaljtayi, jallsa kenayata puriyaraqui.

Qullan Arunaka DC

²⁰ Yatiñ kankañampiw lamar quta jaljtayi, yatiñ kankañampiw qinayanakat jallu purxatayani.

Proverbios 3:20 Jak'a apnaqawi uñst'ayäwi

Génesis 1:9

Ucatsti Diosajj sänwa: “Alajjpachat aynachancqui uca umanacajj, mayawjar tantacht'aspan, uqhamat wañajj uñstañapataqui” sasa. Ucatsti uqhampuniw lurasïna.

Génesis 27:28

Diosasti jumarojj alajjpach jallu churpan, uqhamarac aca oraken suma cosechanacsa walja trigo, walja vinompi.

Génesis 7:11

Payïri phajjsitsti, tunca pakallkon uruw sarakjjaraquïna. Noesti ucapachajj sojjta pataca maranïnwa. Uca quipca uruw mankhanquir jach'a kotan jalsunacapajj phalläna, alajjpachatsa jallojj walipuniw purinïna.

Proverbios 8:24

Nayarojj janïra jach'a kotanacajj utjcäna ucqhatpacha uscusitu, janïra jawiranacasa, uma jalsunacasa utjcäna ucqharaqui.

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Joel 2:23

¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Deuteronomio 33:28

Israel marcajj jan ajjsarasaw jacani, wawanacapasa samarañanwa jacapjjani. Orakenacapanjja trigo yapunaca, uva yapunacaw utjani, janiraquiwa jallusa pist'caniti alajjpachatjja.