Proverbios 29:4 - Qullan Arunaca

⁴ Cheka cancañampi apnaker reyejj, marcarojj thuruñchiwa, ucampis sinti jila impuesto apsurejj tucjiwa.

Aymar Bibliia 1986

⁴ Cheka cancañampi apnaker reyejj, marcarojj thuruñchiwa, ucampis sinti jila impuesto apsurejj tucjiwa.

Qullan Arunaka DC

⁴ Chiqa kankañampi apnaqir reyix, markarux thuruñchiwa, qullqik mayir reyisti aynacht'añaruw marka puriyi.

Proverbios 29:4 Jak'a apnaqawi uñst'ayäwi

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

1 Reyes 2:12

Ucatsti Salomonaw David awquipa lantejj reyëjjäna; jupan apnakañapasti wali suma sayt'ayatänwa.

2 Crónicas 9:8

¡Tatit Diosamasti bendicitäpan, jumarusti suma chuymampiwa uñjtam, uqhamarac tronoparus ucharactam reyipäñamataqui! ¡Juman Diosamajj Israelaru munatap laycu, uqhamarac wiñayataqui apnakañamaquiraquiw jumarojja reyit utt'aytam jupanacaru cheka cancañampi, cheka lurañampi apnakañamataqui!” sasa.

Job 11:6

Jupasti cuntejj jumajj jan yatcta ucanacwa yatichiristamjja, ucanaca amuyt'añasti ch'amaraquiwa. Ucapachaw yatiraquisma Diosajj jumarojj juchamatjama jan mutuyascatapjja.

Salmos 89:14

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Salmos 99:4

Jumajj ch'aman reyïtawa; asqui cancañar munasirïtawa; jumaw chekap sarnakañ uñstaytajja. Jumaw Jacobon wawanacaparojj sum uñjtajja, chekaparuw tariptajja, chekaparuw t'akaractajja.

Proverbios 14:34

Cheka cancañajj mä marcarojj jach'aptayiwa, ucampis juchajj p'enkachayiwa.

Proverbios 16:10

Tatituw reyerojj yanapi amtäwinacapana jan pantjasisa chekapar uñjañapataqui.

Proverbios 16:12

Reyinacajja jan wali luräwinacarojja uñisiwa, reyi konüñan chekapa lurañanacjjaru utt'ayatätap laycu.

Proverbios 20:8

Cunapachatï reyejj taripäwin kont'asi ucqhajja, maya uñcatasaquiw cunatejj jan walïqui ucjja catji.

Proverbios 29:14

Suma cancañampi pobrenacar apnaker reyin tronopajj wiñayataquïniwa.

Proverbios 8:15

Nayïpanwa reyinacas marcar apnakapjje, uqhamarac marca apnakerinacas chekapar leyinaca mistuyapjje.

Isaías 49:8

Tatitojj siwa: “Qhuyapayasiñajj uñacht'ayañ horasajj puriniwa, ucat saracsmawa, khespiyasiñ urojj puriniwa, nayasti yanaparacsmawa. Nayaw jumarojj arjjatsma, juma laycu arust'äwinacajj aca marcampi lurañataqui, aca marca wasitat sayt'ayjjañajjataqui, uca tucjat orakenaca wasitat catusjjapjjañapataqui,

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Daniel (hebreo) 11:20

“Konuñaparusti yakha reyiw kont'asiraquini, ucasti mä impuesto apthapirwa qhitaniraquini, uqhamat reinopajj wali kamiri tucuñapataqui. Ucampisa mä kawkha juc'a urunacarusti jiwayataw uñjasiraquini, ucampisa janiw nuwasiñana jiwayatäcaniti.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.