Proverbios 28:16 - Qullan Arunaca

¹⁶ Jan amuyt'an marca apnakerejj juc'ampiw jakenacar t'akhesiyi, ucampis qhititejj jan munapayirïqui ucajja, jaya maranacaw jacani.

Aymar Bibliia 1986

¹⁶ Jan amuyt'an marca apnakerejj juc'ampiw jakenacar t'akhesiyi, ucampis qhititejj jan munapayirïqui ucajja, jaya maranacaw jacani.

Qullan Arunaka DC

¹⁶ Jan amuyt'ani mark apnaqirix, t'aqhisiyaña, lunthatasiñak lup'iski, ukanak jan luriristi, jaya maranakaw jakani.

Proverbios 28:16 Jak'a apnaqawi uñst'ayäwi

1 Reyes 12:10

Qhaya waynanacajj jupamp chica jilsupcäna ucanacasti sapjjänwa: —Aca jakenacajj mayipctam apakt'añama awquimajj ch'ama lurañanaca jupanacjjaru wayt'awaycäna ucanacarojja, aqham sasaw sañama: ‘Awquejjatejj khorüchïna, nayajj juc'amp khorütwa;

1 Reyes 12:14

ucatsti sänwa waynanacajj cuna arunactejj sapcäna ucanaca: “Awquejjatejj ch'ama lurañanaca wayt'apjjchïyätamjja, nayajj juc'amp ch'ama lurañanacwa wayt'apjjäma, uqhamarac awquejjatejj jumanacaru chicotempi jawk'apjjchïyätam ucajja, nayajj hierro puntani chicotempiw jawk'apjjäma” sasa.

Nehemías 5:15

Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Eclesiastés 10:16

¡Ay cunaquïcani, cawquïr marcan reyipatejj mä jisc'a wawaquïqui, uqhamarac jilïr jakenacapajj jach'a mank'añanacan khantatipjje ucataquejja!

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Isaías 3:12

Mä jisc'a yokallaquiw marcajjar t'akhesiyirejja, warminacaquiraquiw marcajjarojj apnakani, nayan marcajja, irpirinacamajj c'arintapjjtamwa, pantat thaquinacanjamaracwa irptamjja.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.