Proverbios 28:10 - Qullan Arunaca

¹⁰ Qhititejj asqui jakenacaru jan wali thaquinjama irpani ucajja, jupa pachpan sipita waquichataparuwa jalantascani, ucampis jan juchan jakenacajj cunatejj asquïqui ucwa catokapjjani.

Aymar Bibliia 1986

¹⁰ Qhititejj asqui jakenacaru jan wali thaquinjama irpani ucajja, jupa pachpan sipita waquichataparuwa jalantascani, ucampis jan juchan jakenacajj cunatejj asquïqui ucwa catokapjjani.

Qullan Arunaka DC

¹⁰ Aski jaqinakaru jan wali thakhinjam irpir jaqirux, jupan wakichat pachpa sipitaruw jalantaskani, aski chiqa jaqinakasti, askinak katuqapxani.

Proverbios 28:10 Jak'a apnaqawi uñst'ayäwi

Salmos 139:24

nayatejj ñankha thaquin sarnakerïstjja, cheka thaquinjamay irpasita.

Salmos 37:11

llamp'u chuymaninacasti orak catokapjjani, jilarquir sumancañampiw cusisipjjaraquini.

Salmos 57:6

Nayamp timasirinacajj sipit uchantarapipjjetu, uca sipitan jiwañajjataqui; mä jach'a p'iy jalantañajjatac lurarapipjjetu, ucampis jupanacaquiw ucawjarojj jalantjjapjje.

Salmos 9:15

Jumar jan uñt'ir marcanacajj jupanacan waquichat sipitaruw jalantapjje, cayunacapajj sipitrantataw uñjasi, jupanacan imantat pachpa sipitaparu.

Proverbios 10:3

Tatitojj asqui jakerojj janiw mank'at t'akhesiyquiti, ucampis ñankha lurir jakerojja mank'at awtjayasiñapjja janiw apakquiti.

Proverbios 15:6

Cheka lurir jaken utapan take cunapas jan tucusquiriw utji, ucampis ñankha lurir jaken cuna jicjjatatanacapasa jan cunataquiwa.

Proverbios 2:21

Asqui luriri k'oma jakenacasti, aca orakenwa wiñayatac jacapjjani.

Proverbios 21:20

Yatiñan jaken utapanjja kamir cancañanaca, suma k'aphinacawa utji, ucampis jan amuyt'an jakesti take cunanacapwa tucji.

Proverbios 26:27

Qhititejj mä p'iya allini ucajja, uca pachparuwa jalantani; qhititejj mä jach'a kala korumt'aycani ucajja, uca pachpa kalawa jupjjaru jaljjattani.

Proverbios 28:18

Cheka lurir jakejj jan walt'añatjja khespiyatäniwa, ucampis ñankha jakejja jan walt'añaruwa purini.

Eclesiastés 10:8

Qhititejj mä p'iya lurqui ucajja, pachpa p'iyaruwa liwirantti. Qhititejj perka jaranucqui ucarojja, catariw achji.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Hebreos 6:12

Janiw jayra tucupjjañama munapcti, jan ucasti yatekasipjjam qhitinacatejj iyawsäw toke, jan karjasisa take cunatejj Diosajj: “Churämaw” sisqui uca herencia catokapqui ucanacata.

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

Apocalipsis 2:14

Ucampis juma tokejj mä kawkha arunaca sañajjaw utjitu. Jumanac taypinjja Balaam sat jaken jan wali yatichäwinacap jan apanucuñ munirinacaw utjasqui. Uca Balaam jakejj Balac chacharuw amtayäna israelit jakenacaru juchar puriyañataqui, yakha diosanacar loktatäquis ucanac mank'ayasa, uqhamarac uca c'ari diosa nayrakatanjja wachoka jucha lurayasa.

1 Samuel 26:19

Nayajj jach'a munañan reyiruw achict'asï aca sirviriparu ist'añapataqui: Tatitutejj munchi jach'a reyejj nayaru jiwayañapa, ucapachajja, inach mä ofrenda catoketaspa; ucampisa jakenacaquitejj nayar jiwayañ amtchi ucapachajja Tatitojj uca jakenacarojj maldiciracpan. Jichhasti nayarojj Tatitun orakepatjja apanucupjjetuwa, ucampisa yakha diosanacaru sirviñajjataquiw nuct'apjjaraquitu.