Proverbios 27:8 - Qullan Arunaca

⁸ Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Aymar Bibliia 1986

⁸ Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Qullan Arunaka DC

⁸ Yurïwipat jayan sarnaqir jaqix, tapapat jayan sarnaqir jamach'ir uñtatawa.

Proverbios 27:8 Jak'a apnaqawi uñst'ayäwi

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 4:16

Cainasti, cawqhantejj Tatitumpi parlascäna uca chekatjja mistuwayjjänwa, ucatsti Nod, sat chekar jaquiriw sarjjäna, ucasti Edén jardinat inti jalsu tokenquiwa.

1 Reyes 11:22

Faraonasti ucjjarojj sänwa: —¿Cunataquis orakemar cutt'añ munta? ¿Cunach jan utjtamjja naya nayrakatanjja? —sasa. Ucampis Hadad chachajj sänwa: —Janiwa cunasa, utjasquituwa, ucampis achict'assmawa orakejjar cutt'jjañajjataqui —sasa.

1 Reyes 19:9

Purisinsti mä puturuwa mantäna, ucanaracwa uca arumajj khantatïna. Ucatsti Tatitojj juparojj sänwa: “¿Elías, cuns acan lurascta?” sasa.

Proverbios 21:16

Qhititejj ch'iqhi cancañampi jan sarnakcani ucajja, jiwatanac taypiruwa purini.

Proverbios 26:2

Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Proverbios 27:7

Mank'at jan awtjatäqui ucataquejj, misq'isa janiw sumäcjjeti, ucampis qhititï mank'at awtjatäqui ucataquisti, cuna jarusa mojjsaquiwa.

Isaías 16:2

Moab marcan jaquirinacasti Arnón sisqui uca chekanjja tapat jaltiri sustjat jamach'inacjamaw qhathatisipqui.

Jonás 1:3

Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

1 Corintios 7:20

Sapa maynis cunjämarutï Diosajj jawscäna, uqhamaquïscañapawa.

Judas 1:13

Kota mathapinacjamaw p'enkascañ luräwinacapjja jopokor uñtat waranucupjje; saranucusin chhakat warawaranacjamäpjjewa, wiñayan wiñayapataqui ch'iyar ch'amacanacar apanucutäpjjaraquiwa.

1 Samuel 22:5

Ucatsti Gad profetajj Davidarojj aqham suma arunac churaraquïna: “Jan aca imantasiñ chekaru kheparamti. Judá orake tokeru sarjjam” sasa. Uqhamaw Davidajj sarawayjjäna, ucatsti Haret sisqui uca ch'umiruw purïna.