Proverbios 27:21 - Qullan Arunaca

²¹ Korirusa, kollkerusa ninaw yant'i; uqhamaraquiw jakerojj yant'araqui jach'ar aptatäñampi.

Aymar Bibliia 1986

²¹ Korirusa, kollkerusa ninaw yant'i; uqhamaraquiw jakerojj yant'araqui jach'ar aptatäñampi.

Qullan Arunaka DC

²¹ Qurirusa, qullqirus ninaw yant'i; jaqirusti jach'añchäwinakaw yant'araki.

Proverbios 27:21 Jak'a apnaqawi uñst'ayäwi

2 Samuel 14:25

Take Israel marcansti, janiraquiw Absalonar uñtata yakha jakejj utjcänti, uqham wali suma waynätapatsti wali jach'añchataraquïnwa. Cayut p'ekecamajj janipuniw cuna jan walis Absalonanjja utjcänti, jan ucasti jupajj wali suma uñnakt'ani waynänwa.

Job 28:1

“Minanacaw utji, cawquittejj kollkejj apsusqui, uqhamaraqui cawqhantejj korisa k'omachascaraqui ucqha.

Salmos 12:6

Tatitun arsutanacapajj chekpachawa, ninamp pakallk cuti k'omachat kollker uñtatawa.

Salmos 66:10

Diosay, jumaw yant'arojj puriyapjjesta, kollkerjamaw k'omachsupjjesta,

Proverbios 17:3

Korisa, kollkesa ninamp yant'atawa; jaken amtatanacapsti Tatituw yant'araqui.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Malaquías 3:3

Ucatsti jupajj Leví tribur k'omachañataquiw kont'asini, cunjämatï maynejj kollksa, korsa ninampi k'omachqui uqhama. Ucatsti jupanacajj ofrendanacapjja Diosarojj loktapjjaraquiniwa cunjämtï jupanacajj loktapjjerïqui uqhama.

Lucas 6:26

“¡Ay, camachapcaquïta jumanaca, cunapachatï takenis jumanacata ‘Waliquiw’ sapcani ucapacha! Uqhamaracwa awquinacapajj c'ari profetanacarojj lurapjjerïna.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Pedro 4:12

Munat jilatanaca, jan mayjt'asipjjamti uca jach'a yant'anaca jumanacjjaru jutatapatjja, mä cuna jan walis jutcaspa uqhama.

1 Samuel 18:30

Mä toketsti, cunapachatejj jilïri filisteo jakenacajj nuwasiri mistunipcäna, ucapachajj Davidajj Saúl reyin oficialanacapat sipansa, atipjapunïnwa, Davidajj wali aytata jakew tucuraquïna.