Proverbios 26:24 - Qullan Arunaca

²⁴ Uñisir jakejj parlqui ucqhajja imt'iwa, ucampis chuymap mankhenjja jan wali lurañanacwa amtasqui.

Aymar Bibliia 1986

²⁴ Uñisir jakejj parlqui ucqhajja imt'iwa, ucampis chuymap mankhenjja jan wali lurañanacwa amtasqui.

Qullan Arunaka DC

²⁴ Uñisir jaqix, parlaski ukkhax imt'iwa, chuymap manqhinsti jan wali lurañanak amtaski.

Proverbios 26:24 Jak'a apnaqawi uñst'ayäwi

Génesis 34:13

Ucampisa, Siquemajj cunjämatï Dinaru deshonrataynajja, Jacobon yokanacapajja, Siquemampiru Hamor awquipampirojj sallkjañampiw sapjjatayna,

2 Samuel 13:26

Ucatwa Absalonajj saraquïna: —Janitejj, juma, jach'a reyejj, sarirjamäcstajja, uqhamajj Amnón jilajjaquisay sarpanjja —sasa. —¿Cunatsa Amnón jilaman sarañapjja munta? —sasaw reyejj jisct'araquïna.

2 Samuel 13:27

Ucampisa Absalonajj sascaquïnwa Amnonan sarañapataqui, ucatwa reyejj Amnonampiru uqhamaraqui mayni wawanacapampiru qhitäna. Absalonasti mä suma mank'äwi, reyitacjamaraqui waquichayataynajja,

2 Samuel 20:9

Joab jakesti Amasarojj cupi amparapampiw sunqhapata waythapïna jamp'att'añataqui, ucat aqham sasaw jisct'araquïna: —¿Cunjamäsctas jilata, waliquïsctati? —sasa.

Nehemías 6:2

mä yatiyäwi apayanipjjetäna Sanbalat, uqhamarac Gesem sat chachampi nayampi jiquisiñataqui Ono sat vallena mä cawqha jisc'a marcansa. Ucampisa jupanacajja amtasipcänwa nayaru ñankha lurañataqui.

Salmos 12:3

Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum,

Salmos 28:3

Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.

Salmos 41:6

Nayar tumpir jutirejj laka chuymaquiw parlitu, jan wali amtäwip imanti, ankar mistusinsti ucjjat arsu.

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Proverbios 11:1

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.

Proverbios 12:17

Cheka testigojj cunatï chekäqui ucwa arsu; c'ari testigosti, c'aricwa ircati.

Proverbios 12:20

Ñankha lurir jakenacan lup'itanacapanjja c'ariwa utji; sumanquir jakenacan suma ewjja arunacapansti cusisiñawa utji.

Proverbios 12:5

Asqui jakenacan amtäwipajj cheka lurañawa, ucampis ñankha lurir jakenacan amtäwipajja ñankha lurañaquiwa.

Proverbios 14:8

Yatiñ cancañajja yatiñan jakerojj amuyt'ayiwa sarnakañapanjja, ucampis jan amuyt'an jakerojj pachpa jan wali luratanacapaw sallkji.

Proverbios 23:7

Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

1 Samuel 18:17

Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa.