Proverbios 25:2 - Qullan Arunaca

² Diosan jach'a cancañapawa cunsa jamasar imantqui ucajja, ucatsti reyitaquejj uca imantata yatjjatañasti jach'a cancañaparaquiwa.

Aymar Bibliia 1986

² Diosan jach'a cancañapawa cunsa jamasar imantqui ucajja, ucatsti reyitaquejj uca imantata yatjjatañasti jach'a cancañaparaquiwa.

Qullan Arunaka DC

² Chuymar imxäsiñax Diosan jach'a kankañapawa, uka imantat yatxatañasti reyinakan jach'a kankañaparakiwa.

Proverbios 25:2 Jak'a apnaqawi uñst'ayäwi

2 Samuel 1:5

—¿Cunjämataraqui Saúl reyimpina, Jonatán yokapampina jiwatätapsti yatta? —sasaw Davidajj uca yatiyäwi apaniri uywatarojj jisct'araquïna.

2 Samuel 14:19

Ucatwa reyejj jisct'araquïna: —¿Janiti Joab chachajj take acanac lurañamataquejj amtayctamjja? —sasaw säna. Warmisti saraquïnwa: —Jïsa, juma jach'a reyin sutimjjaruw arsta. Take cuntejj siscta ucasti Joab chachan amtayatapunïsquiwa. Jupaw nayarojj acar qhitanitu, juparaquiw cunatejj parlañajjäqui ucsa yaticharaquitu.

Esdras 4:15

uqhamata suma uñjatäñapataqui juma reyin nayra awquinacaman archivonacapajja. Juma reyisti uca archivonwa khanañchasquiri jicjjatäta, uca marcana sayt'asirïtapa, uqhamarac reyinacataquisa jan walt'ayirïtapa, uqhamarac yakha provincianacataquisa. Uca marcansti nayra pachanacanjja sayt'asiñanacwa utjayäna, ucataracwa tucjataraquïna.

Esdras 4:19

ucanacjjatjja yatjjataytwa. Ucatsti yatisiwa uca marcana nayra reyinacataqui sayt'asirïtapa, cutiquipstañanaca utjatapa, uqhamarac cutcatasiri marcätapa.

Esdras 5:17

“Jichhasti, juma reyitaqui asquïchi ucajja mayipjjsmawa Babilonianquiri reyinacan kellkata imatanacapa thaktayam, uqhamarac yatjjatayaraquim Ciro reyejj chekpachati Jerusalenanquir Diosan templopa lurayañataqui arspachäna janicha uca, ucatsti aca toketa juma reyin amtäwimjja yatiyanipjjeta” sasa.

Esdras 6:1

Ucatsti Darío reyejja kellkatanaca imañ uta thactayänwa, cawqharutejj Babiloniana wali jach'a yänaca imatäcäna uca.

Job 29:16

pist'ata sarnakerinacan awquipäyätwa, yakha marcat jutirinacan arjjatiripäyätwa!

Job 38:4

¿Cawquincäyätas jumajja cunapachatejj nayajj aca orake utt'aycäyät ucapachajja? ¡Jumatejj chekpacha suma yatsta ucapachajj uca jisct'aru arusjjatita!

Job 42:3

¿Qhitïtsa nayajj juman jach'a cancañamata pächasiñataquejja, uqhamat pisi amuyt'a jakëtajja uñacht'ayañataquejja? Nayasti cuntejj jan amuyt'cäyäta ucanacatwa parlascäyätjja, muspharcaña yänacata, cunanacatejj jan amuyt'añjamäqui take ucanacatwa parlascäyätjja.

Proverbios 25:27

Walja misq'i mank'añajja janiw walïquiti, ucampis wali asquiraquiwa, cunatï ch'amäqui uca yatjjatañajja.

Proverbios 25:3

Ucampis janiw amuyt'añjamäquiti alajjpacha amstata, orak mankheta, uqhamarac reyin amtäwinacapatsa.

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Deuteronomio 29:28

Ucatsti jupanacarojj takpach colerasiñapampi, mayjt'asiñapampiw jakonucu, yakha marcanacar qhitanucusa, cunjämatï jichhüruna pasasqui uqhama’ sasa.

Deuteronomio 29:29

“Cawquïri arunactï jan yatctan ucanacajj Diosanquiwa. Cunatejj jiwasajj yatctan ucanacasti, jiwasana, wawanacasampina aca camachi arunacapar phokhañasawa, cawquïrtï jupajj khanañchawayistu ucanacaru.