Proverbios 22:23 - Qullan Arunaca

²³ Tatitojj jupatwa arjjatani, t'akhesiyaraquiniwa qhititejj t'akhesiyqui ucanacarojja.

Aymar Bibliia 1986

²³ Tatitojj jupatwa arjjatani, t'akhesiyaraquiniwa qhititejj t'akhesiyqui ucanacarojja.

Qullan Arunaka DC

²³ Tatituw jupan arxatiripaxa, jupar t'aqhisiyirinakarusti t'aqhisiyaniwa.

Proverbios 22:23 Jak'a apnaqawi uñst'ayäwi

Salmos 103:6

Tatitojj chekaparuw uñji, t'akhesir jakenacaruw arjjati;

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 12:6

Tatitun arsutanacapajj chekpachawa, ninamp pakallk cuti k'omachat kollker uñtatawa.

Salmos 140:12

Llaquit jaker Tatitun chekapar uñjatap yatta, t'akhesiyat jaker arjjatatap yatiracta.

Salmos 140:13

Asqui jakenacajj sutim jach'ar aptapjjani, chekap jaquir jakenacasti nayrakataman jacapjjani.

Salmos 35:1

Tatay, nayar nuwañatac jaljjatirinacampejj jumay nuwasim, nayamp ch'ajjwirinacampejj jumay ch'ajjwam.

Salmos 35:10

Takpach chuymajjampiw arsü: “Tatay, ¿qhitirac jumjam utjisti?, munañan jaket jan yäkat jaker arjjattajja, ch'am apjir jaket jan cunan jakeruw khespiytajja.”

Salmos 43:1

Diosay, chekapar uñjita, khoru jakenacat arjjatita, c'ari, ñankha lurir jaket khespiyasita.

Salmos 68:5

Diosajj wajchanacan awquipawa, ijma warminacan arjjatiripawa, jupajj kollan utjäwipan jaqui.

Éxodo 22:22

“Janiw jan walinac lurasina t'akhesiyapjjätati viudanacarusa, ni wajchanacarusa,

Éxodo 22:23

jumanacatejj t'akhesiyapjjäta ucajja jupanacajj nayaruw arnakasipjjetani, ucatsti nayajj jupanacan arnakasitanacapjja ist'äwa.

Proverbios 21:7

Jucharar jakerojj jupa pachpan jan wali luratapawa tucjani, cheka cancañana jan sarnakañ munirïtap laycu.

Proverbios 23:11

jupanacajj wali ch'amani khespiyirinïpjjewa; uca Tatituw jupanacat arjjatasisinjja jumatac sayt'ani.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Jeremías 30:16

Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Jeremías 51:36

Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Miqueas 7:9

Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.

Habacuc 2:8

Marcanacaw mayacht'asipjjani juma contrajja, ucatsti aparapjjaraquïtamwa cunjämtejj jupanacat aparctajja uqhamaraqui. Phokhayasipjjaraquïtamwa take jiwarayatanacamatjja, uqhamarac aca nacionana marcanacapa, ucan jaquirinacapa contra jan walinac lurasa t'akhesiyatamata.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

1 Samuel 24:12

¡Tatituy jichhajj jiwasa paniniru uñjistpan, ucatsti juchañcharaquitpan juma contra juchajj utjchitu ucapachajja! Ucampisa nayajj janipuniw amparajj aytcäti jach'a rey contrajja.

1 Samuel 24:15

Uca laycu, Tatituqui jiwasa paninirojj uñj-jjestpan. ¡Juparaqui naya toketjja uñjitpan, jach'a reyitsa arjjataraquitpan!”

1 Samuel 25:39

Davidajja Nabal jaken jiwatap yatisinjja sänwa: “¡Tatitojj kollanäpan. Cuna jan walinactejj Nabal jakejj lurquitu ucanacjja jupaw phokharapitu! ¡Jan wali lurañat khespiyitu, Nabal jaken juchapasti pachpa Nabal jacjjaruraquiw cutjjati!” sasa. Ucat Davidajj Abigail warmin ucaruw qhitäna jupampi casarasiñjjat parlanipjjañapataqui.