Proverbios 22:22 - Qullan Arunaca

²² Pobretjja jan aparamti pobrëtap laycu, janirac juezanacan nayrakatapansa t'akhesiyamti,

Aymar Bibliia 1986

²² Pobretjja jan aparamti pobrëtap laycu, janirac juezanacan nayrakatapansa t'akhesiyamti,

Qullan Arunaka DC

²² Jan kunan jaqitxa jan kuns aparamti jan kunanïtap layku, janirak taripirinak nayraqatansa jupar t'aqhisiyamti,

Proverbios 22:22 Jak'a apnaqawi uñst'ayäwi

Job 31:16

“Pobrenacarusti pist'ayasiñapanjja yanapt'apunïyätwa, janiraquiw ijma warminacan pist'ayasiñan sarnakañapsa muncäyätti.

Job 31:21

Janipuniw cunapachas wajcharojj ajjsarayirïcti, juezanacampi sumancatajjatjja.

Éxodo 23:3

Uqhamaraqui chekaparu uñjañansti janiw pobrenacatsa arjjatasïtati.

Éxodo 23:6

“Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Proverbios 21:7

Jucharar jakerojj jupa pachpan jan wali luratapawa tucjani, cheka cancañana jan sarnakañ munirïtap laycu.

Proverbios 22:16

Qhititejj kamiriptañ munasa pobreru t'akhesiyqui, jan ucajj kamirirusa cuns churqui ucajja, pobres cancañanwa tucusini.

Isaías 10:2

uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!

Ezequiel 22:29

Aca marcanquiri jakenacasti nuwasiñanacaru, lunthatasiñanacaru catuyatawa; pobrenacarusa, pist'ata sarnakerinacarusa jan pago churasaquiw irnakayapjjaraqui, yakha marcat jutiri jakenacarusa nuwjapjjaraquiwa, janiw chekaparu uñjapcaraquiti.

Levítico 19:13

“Janiraqui jake masima contrajj ch'amampiqui sayt'asimti, janiraqui cunatejj jupancqui ucsa aparamti. Irnakerina pagopsti janiraqui khepürcama apjjäsimti.

Levítico 25:17

“Jan qhitisa yakharu jan walinac lurpati. Diosarusti ajjsartapjjaraquim. Nayätwa jumanacan Tatitu Diosamajja.

Zacarías 7:10

Jan t'akhesiyapjjamti ijmanacarojja, ni wajchanacarusa, ni yakha marcanquirinacarusa, ni pobrenacarusa. Janiraqui lup'ipjjamsa maynit maynicam jan wali lurasiñatsa.”

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Deuteronomio 23:16

Kheparpan jumanac taypin jacañapataqui, cawquïri marcjjay ajllischini, cawqhan jacañjjay thakhaschini, ucatsti janiraquiw qhitis cunsa sañapäquiti.