Proverbios 18:23 - Qullan Arunaca

²³ Pobre jakejj suma arumpiw achict'asi; kamir jakesti jach'a tucuñampiwa parli.

Aymar Bibliia 1986

²³ Pobre jakejj suma arumpiw achict'asi; kamir jakesti jach'a tucuñampiwa parli.

Qullan Arunaka DC

²³ Jan kunan jaqix achikt'asisaw arsu; qamir jaqisti jach'a jach'a tukusaw parli.

Proverbios 18:23 Jak'a apnaqawi uñst'ayäwi

Génesis 42:30

—Qhiti jaketejj uca marca apnakqui ucasti jan walpun uñjapjjetu, ‘Jumanacajj uñakanacäpjjtaw’ sasaw sapjjaraquitu.

Génesis 42:7

Joseasti jilanacaparojj may uñcatasaquiw uñt'jjatayna, ucampis jan uñt'iriw tucüna, khoru arumpiw jisct'araquïna: —Jumanacajj, ¿cawquits jutapjjta? —sasa. —Nanacajj Canaán oraket jutapjjta, trigo alt'asiri —sasaw jupanacajj sapjjaraquïna.

1 Reyes 12:13

Ucampis reyejj jupanacarojj wali khoru arunacampiwa cutt'ayäna; janiw ist'cänti cuntejj awquinacajj sapcäna ucjja,

2 Crónicas 10:13

Ucampis Roboam reyejj jupanacarojj wali khoru arunacampiwa saraquïna jilïri jakenacan amuyt'a arunacapar jan ist'asina,

Job 41:3

¿Jupasti jumarojj qhuyapt'ayasiñamataquiti achict'asiristamsti, uqhamaraqui suma arunacampiti achict'asiristamsti?

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Proverbios 19:7

Mä pobre jakerojj pachpa jilanacapasa jisc'achiwa, amigonacapasti ucatsa juc'ampiwa juparojj apanucupjjani. ¡Janiw juc'ampi arunacajj utjquiti jupanacar jicjjatañataquejja!

Proverbios 22:7

Kamir jakejj pobrenac taypinjja mä reyjamawa; manuninaca taypinjja, kollke mayt'irejj reyjamaraquiwa.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Mateo 5:3

“Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Santiago 2:3

ucatsti jumanacajj suma isinïqui ucaruqui sumawjaru catokt'apjjätajja: “Acqhar kont'asim” sasa, ucatsti pobrerojj: “Qhayjar jumajj sayt'asim, jan ucajj pamparus kont'asim” sapjjätajja,

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?

Rut 2:7

nayaruw jicjjatasin achict'asitu cebada yawirinacan khepapa puyanac apthapisa sarañataqui. Jupasti alwatpacha jichhacamaw apthapisqui jan samart'asa. Jichhaquiw juti aca ch'iwi c'uchuru samart'iri.

1 Samuel 2:36

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”

1 Samuel 25:10

Ucampisa Nabal jakejj saraquïnwa: —¿Qhitis Davidajja? ¿Qhitis uca Isaí jaken yokapajja? ¡Jichhürojja walja uywatanacaw uywiripat jaltjjasipqui!

1 Samuel 25:17

Ucampis juman chachamajj wali khorupuniwa, jan parljjayañjama, jichhajj jumay amuyt'am cunsa lursna uca toketa, jan ucasti chekpachansa mä jan walt'añawa jutani, jupataqui uqhamaraqui take familianacapataqui” sasa.